KUPHILA KWEMAKHRISTU
Yetama Kufundza Indlela Nkulunkulu Lacabanga Ngayo
Sifuna kujabulisa Jehova kuko konkhe lesikwentako. (Tag 27:11) Kute sente njalo, kudzingeka sente tincumo letihambisana nendlela lacabanga ngayo ngisho nome kute umtsetfo losicondzisako. Yini lengasisita kutsi sente njalo?
Hlale udadisha liBhayibheli onkhe malanga. Njalo nasifundza liBhayibheli, kuba shengatsi sicitsa sikhatsi naJehova. Singafundza ngendlela Jehova lacabanga ngayo, ngekutsi sinake indlela lebekabaphatsa ngayo bantfu bakhe nangekuhlola tibonelo talabo lebebenta lokuhle nobe lokubi emehlweni akhe. Nangabe sidzinga kwenta sincumo, umoya longcwele ungasisita sikhumbule tifundvo letimcoka kanye netimiso lesitifundze eVini laNkulunkulu.—Joh 14:26.
Cwaninga. Nangabe kufanele wente sincumo, tibute, ‘Ngumaphi emavesi nobe kulandzisa lokuseBhayibhelini lokungangisita ngicondze indlela Jehova lativa ngayo ngalendzaba?’ Thantazela lusito lwaJehova, futsi usebentise emathulusi ekucwaninga latfolakala ngelulwimi lwakho latakusita utfole timiso teliBhayibheli letitakusita kulesimo lobhekene naso.—Hl 25:4.
BUKELANI I-VIDEO LETSI KUFANELE ‘SIGIJIME NGEKUCINISELA’—DLANI KUDLA LOKUNEMSOCO, BESE NIPHENDVULA LEMIBUTO LELANDZELAKO:
Ngutiphi timo beticindzetela lodzadze losemusha kule-video?
Ungawasebentisa njani emathulusi ekucwaninga kute akusite ukhone kubhekana netimo letifanako?
Sizuza njani nangabe sitinika sikhatsi sekucwaninga nesekutidadishela kuze sikhone kwenta tincumo letikahle?—Heb 5:13, 14