Kokkinakis v. Greece: Droit réservé
Nawucala etulu ngesencele: West Virginia State Board of Education v. Barnette; Kokkinakis v. Greece; Taganrog LRO and Others v. Russia; Cha and Others v. South Korea
KUPHILA KWEMAKHRISTU
‘Kuvikela Tindzaba Letimnandzi Nekuticalisa Ngalokusemtsetfweni’
Ngesikhatsi baphikisi betama kuvimba ema-Israyeli kutsi akhe kabusha lithempeli, bantfu lebebakha benta loko bekufanele bakwente kute babe nelilungelo lelisemtsetfweni lekwakha. (Ezr 5:11-16) NemaKhristu ente lokufanako lamuhla ngekutsi ente konkhe langakwenta kute avikele tindzaba letimnandzi futsi aticalise ngalokusemtsetfweni. (Flp 1:7) Kute bakhone kukwenta loko, nga-1936 kwakhiwa Litiko Letemtsetfo endlunkhulu yemhlabawonkhe. Lamuhla, Litiko Letemtsetfo lelisendlunkhulu yamhlabawonkhe livikela umsebenti weMbuso losemhlabeni wonkhe. Lelitiko liwusite njani umsebenti weMbuso futsi libazuzise njani bantfu baNkulunkulu?
BUKELANI I-VIDEO LETSI KUVAKASHELA LITIKO LETEMTSETFO LELISENDLUNKHULU, BESE NIPHENDVULA LEMIBUTO:
Ngutiphi tinkinga letisemtsetfweni BoFakazi BaJehova lababhekana nato letimayelana nelilungelo labo lekukhonta Jehova?
Ngumaphi emacala lesiwancobe ngalokusemtsetfweni? Niketa sibonelo
Nguyiphi indzima ngamunye wetfu langayidlala “ekuvikeleni tindzaba letimnandzi nasekuticaliseni ngalokusemtsetfweni”?
Singatitfola kuphi ku-website yetfu tindzaba letimayelana netemtsetfo letitsintsa bantfu baNkulunkulu kanye neluhla lwaBoFakazi BaJehova lababoshelwe kukholwa kwabo?