KUPHILA KWEMAKHRISTU
Jehova Uyabasindzisa Labo Labephuke Emoyeni
Sonkhe siyabuva buhlungu ngaletinye tikhatsi. Kuva buhlungu akusho kutsi kukholwa kwakho kuJehova sekubutsakatsaka. Ngetulu kwaloko, ngisho naJehova waveta kutsi uhle abuva buhlungu ngaletinye tikhatsi. (Gen 6:5, 6) Kodvwa kutsiwani nangabe sesivama kuva buhlungu nobe sesihlale sibuva ngaso sonkhe sikhatsi?
Thantaza kuJehova ucele lusito. Jehova unendzaba nendlela lesitiva ngayo. Uyasibona nangabe sijabulile nalapho siva buhlungu. Uyacondza kutsi kungani sicabanga futsi sitiva ngalendlela. (Hl 7:9b) Lokubaluleke nakakhulu kutsi Jehova unendzaba natsi futsi angasisita kute sikhone kubhekana nebuhlungu kanye nekucindzeteleka.—Hl 34:18.
Vikela ingcondvo yakho. Kudvumateka akusenti singajabuli nje kuphela, kodvwa kuphindze kutsintse nebuhlobo betfu naJehova. Ngaleso sizatfu, sitobe senta kahle nasivikela tinhlitiyo tetfu, lokungumuntfu lesinguye ngekhatsi.—Tag 4:23.
BUKELANI I-VIDEO LETSI INDLELA BAZALWANE NABODZADZE LABAJABULELA NGAYO KUTHULA NANOBE BACINDZETELEKILE, BESE NIPHENDVULA LEMIBUTO LELANDZELAKO:
Ngutiphi tintfo Nikki latentile kuze abhekane nekucindzeteleka?
Kungani Nikki acabanga kutsi kufanele afune lusito lwebetemphilo?—Mat 9:12
Ngutiphi tindlela Nikki lakhombisa ngato kutsi wetsembele kuJehova kute amsite?