Loko UMbuso WaNkulunkulu Lotakwenta Ngetimphi

Timphi solo tiyachubeka tibangela umonakalo, buhlungu kanye nekuhlupheka emhlabeni wonkhe. Naka lokushiwo ngulemibiko lelandzelako:

• “Kulomnyaka lophelile, kufe bantfu labanyenti ngenca yetimphi, ikakhulukati e-Ethiopia nase-Ukraine, lokuyintfo leyagcina kwenteka kakhulu ngemnyaka wa-1994.”​—I-Peace Research Institute Oslo, yangaJune 7, 2023.

• “Imphi lecale nga-2022 e-Ukraine ingumphumela wekungevani lobekuvele kukhona emkhatsini wemave latsite. Emnyakeni lophelile, tiyaluyalu letihlobene nepolitiki tenyuke ngemaphesenti langu-27 emhlabeni wonkhe, futsi tatsintsa bantfu labangaba ngu-1.7 billion.”​—I-The Armed Conflict Location & Event Data Project (ACLED), yangaFebruary 8, 2023.

LiBhayibheli lisiniketa litsemba. Litsi “Nkulunkulu welizulu utawubeka umbuso longeke uze ubhujiswe.” (Danyela 2:44) Nasekubusa loMbuso nobe lohulumende, Nkulunkulu ‘utawucedza timphi emhlabeni wonkhe.’​—Tihlabelelo 46:9.