Jesu Utawucedza Bugebengu

Jesu uyati kutsi kunjani kuhlupheka ngenca yebugebengu nekungalungi. Wamangalelwa ngemacala langemanga, washaywa ngalokungekho emtsetfweni, watfola sigwebo lesingamfaneli futsi wabulawa kabuhlungu. Ngisho nobe bekete licala, ngekutitsandzela wanikela “ngekuphila kwakhe kuze kube yinhlawulo yalabanyenti.” (Matewu 20:28; Johane 15:13) Njengobe sekayiNkhosi yeMbuso waNkulunkulu, madvutane utawucedza bugebengu emhlabeni wonkhe futsi aletse kulunga.​​—Isaya 42:3.

LiBhayibheli lisitjela kutsi umhlaba utobanjani nasekubusa Jesu:

• “Bantfu lababi ngeke basaba khona; utawubuka lapho bebatfolakala khona, kepha batawube bangasekho. Kodvwa labamnene batawudla lifa lemhlaba, futsi batawujabulela kuthula lokukhulu.”​​—Tihlabelelo 37:10, 11.

Singakhombisa njani kutsi siyabonga ngako konkhe Jesu lasentele kona kanye nangaloko lasatasentela kona? Lenye indlela kufundza lokunyenti ngemlayeto lebekashumayela ngawo, lobewumayelana ‘netindzaba letimnandzi teMbuso waNkulunkulu’. (Lukha 4:43) Fundza sihloko lesitsi, “Uyini UMbuso WaNkulunkulu?”