BoFakazi BaJehova Bayakholelwa Yini Kutsi Inkholo Yabo Yeliciniso?

Bantfu labayitsandzako inkholo kufanele baciniseke kutsi inkholo labayikhetsile iyemukeleka kuNkulunkulu nakuJesu. Nangabe kungasinjalo, bangatihlanganiselani nayo?

Jesu Khristu akazange avumelane nembono wekutsi kunetinkholo letinyenti, tindlela letinyenti nekutsi tonkhe tiholela ensindzisweni. Esikhundleni saloko, watsi: “Lisango lincane nendlela yincane leyisa ekuphileni, nebantfu labayitfolako bambalwa.” (Matewu 7:14) Bofakazi BaJehova bakholwa kutsi bayitfolile lendlela. Kube abakayitfoli, bebangafuna lenye inkholo.