I-Watchtower ONLINE LIBRARY
I-Watchtower ONLINE LIBRARY
WeSicongosekulindza
SiSwati
  • LIBHAYIBHELI
  • LOKUTFOLAKALAKO
  • IMIHLANGANO
  • ijwbq sihloko 144
  • Litsini LiBhayibheli Ngekushiswa Kwemuntfu Lofile?

Kute i-video kulolokukhetsile.

Siyacolisa. Kube nenkinga nayisavuleka le-video.

  • Litsini LiBhayibheli Ngekushiswa Kwemuntfu Lofile?
  • Timphendvulo Temibuto Lemayelana NeliBhayibheli
  • Tihlokwana
  • Tincwadzi Letinemaphuzu Lafanako
  • Lokushiwo liBhayibheli
  • Tintfo letingasilo liciniso letivame kushiwo ngekushiswa kwebantfu labafile
  • Imibuto Levela Kubafundzi
    Sicongosekulindza Simemetela UMbuso WaJehova—2014
  • Likhona Yini Litsemba Ngalabafile?
    Tindzaba Letimnandzi Letivela KuNkulunkulu
Timphendvulo Temibuto Lemayelana NeliBhayibheli
ijwbq sihloko 144
Livasi lelinemlotsa eceleni kwesitfombe semufi

Litsini LiBhayibheli Ngekushiswa Kwemuntfu Lofile?

Lokushiwo liBhayibheli

LiBhayibheli alikhulumi ngalokucondzile ngekushiswa kwebantfu labafile. Kute sicondziso lesiseBhayibhelini lesitsi bantfu labafile abangcwatjwe noma bashiswe.

Noma kunjalo, liBhayibheli liyakhuluma ngetinceku taNkulunkulu letetsembekile letangcwaba tihlobo tato. Nasi sibonelo: Abrahama wenta konkhe lokusemandleni akhe kute atsenge indzawo yekungcwaba umfati wakhe, Sara.—Genesisi 23:2-20; 49:29-32.

LiBhayibheli liphindze likhulume ngaletinye tinceku taNkulunkulu letetsembekile letashisa tihlobo tato letifile. Nasi sibonelo saloko, ngesikhatsi iNkhosi Sawula yaka-Israyeli kanye nemadvodzana ayo lamatsatfu babulawa emphini, tidvumbu tabo tasala etandleni taletitsa futsi letitsa tatiphatsa ngendlela lete inhlonipho. Ngesikhatsi eva loku, emasotja letsembekile aka-Israyeli ahamba ayolandza letidvumbu, atishisa ase angcwaba loko bekusele. (1 Samuweli 31:8-13) LiBhayibheli liveta kutsi lena bekuyindlela leyemukelekile yekunakekela tidvumbu talawo madvodza.—2 Samuweli 2:4-6.

Tintfo letingasilo liciniso letivame kushiwo ngekushiswa kwebantfu labafile

Lokungasilo liciniso: Kushisa sidvumbu kukhombisa kungawuhloniphi umtimba wemuntfu.

Lokuliciniso: LiBhayibheli litsi bantfu labafile babuyela elutfulini, lokuyintfo letentakalelako nangabe leso sidvumbu sibola. (Genesisi 3:19) Ngako kusishisa lesidvumbu, kusenta sisheshe sibe ngumlotsa noma lutfuli.

Lokungasilo liciniso: Ngetikhatsi teliBhayibheli, bekushiswa kuphela tidvumbu tebantfu labebangamukeleki kuNkulunkulu.

Lokuliciniso: Tidvumbu tebantfu labangazange betsembeke kuNkulunkulu, lokufaka ekhatsi sidvumbu sa-Akhani netemndeni wakhe, tashiswa. (Joshuwa 7:25) Noma kunjalo, loku bekungasiwo umtsetfo. (Dutheronomi 21:22, 23) Njengobe sesibonile, netidvumbu tebantfu labebatsembekile, letifaka ekhatsi indvodzana yeNkhosi Sawula Jonathani, tashiswa.

Lokungesilo liciniso: Nkulunkulu ngeke akhone kuvusa umuntfu loshisiwe.

Lokuliciniso: Mayelana nekuvuswa kwebantfu labafile, Nkulunkulu angabavusa ngisho nome bangcwatjiwe, bashisiwe, bafele elwandle, nome badliwe tilwane. (Sembulo 20:13) UMninimandla Onkhe angakhona kuniketa umuntfu umtimba lomusha kamelula nje.—1 Khorinte 15:35, 38.

Utokhetsani, Kushisa Sidvumbu Nome Kusingcwaba?

Nangabe wenta sincumo sekutsi utokwenta njani ngesidvumbu semuntfu lofile, nati tintfo longacabanga ngato.

  • Tifiso temufi. LiBhayibheli likhuluma ngetentakalo lapho emalunga emindeni ahlonipha khona ticondziso tebantfu labafile mayelana nendlela lebekufanele kuphatfwe ngayo tidvumbu tabo nasebafile.—Genesisi 50:4, 5; Eksodusi 13:19.

  • Emasiko endzawo. Emasiko endzawo ngiwo lavame kuba nemtselela kutsi bantfu labafile bentiwa njani. (Johane 19:40) Ngekwesibonelo, ngetikhatsi teliBhayibheli, bantfu bebavame kungcwaba tihlobo tabo. (Genesisi 49:31; 1 Samuweli 28:3) Ngendlela lefanako, nalamuhla umuntfu angase akhetse kutsi usenta njani sihlobo sakhe lesifile kuye ngekuvumelana nelisiko lendzawo, uma nje lelosiko lingephuli timiso letiseBhayibhelini.

  • Lokufunwa ngumtsetfo. LiBhayibheli lisikhutsata kutsi sitfobele tiphatsimandla. (Roma 13:1) Kuletinye tindzawo, tiphatsimandla ngito letishaya imitsetfo mayelana nekutsi bantfu labashonile kufanele bentiwe njani. Nasi sibonelo, endzabeni yekushiswa kwabo, letinye tiphatsimandla tibeke imitsetfo yekutsi imilotsa kufanele icitfwe kuphi.

  • Indlela labanye labativa ngayo. ImiBhalo isikhutsata kutsi sicabangele netidzingo talabanye. (Filiphi 2:4) Nasisenta sincumo mayelana nekutsi sitawusenta njani sihlobo setfu lesishonile, kungaba kuhle kutibuta nayi imibuto: Lamanye emalunga emndeni ativa njani ngekushiswa kwaleso sidvumbu nome ngekungcwatjwa kwaso? Bantfu bendzawo bawatsatsa njani lawo masiko?

    Tincwadzi TesiSwati (2002-2025)
    Phuma
    Ngena
    • SiSwati
    • Share
    • Khetsa Lokufunako
    • Copyright © 2025 I-Watch Tower Bible and Tract Society of Pennsylvania
    • Imibandzela Yekuyisebentisa
    • Kusetjentiswa Kwemininingwane Yakho
    • Privacy Settings
    • JW.ORG
    • Ngena
    Share