I-Watchtower ONLINE LIBRARY
I-Watchtower ONLINE LIBRARY
WeSicongosekulindza
SiSwati
  • LIBHAYIBHELI
  • LOKUTFOLAKALAKO
  • IMIHLANGANO
  • hdu sihloko 30
  • Kunakekelwa KwemaHholwa Etfu EMbuso

Kute i-video kulolokukhetsile.

Siyacolisa. Kube nenkinga nayisavuleka le-video.

  • Kunakekelwa KwemaHholwa Etfu EMbuso
  • Indlela Iminikelo Yenu Lesetjentiswa Ngayo
  • Tihlokwana
  • Tincwadzi Letinemaphuzu Lafanako
  • Uhlelwe Njani Umsebenti Wekunakekela Letakhiwo?
  • Kubhadala Tindleko
  • Imisebenti Lemikhulu Yekunakekela Takhiwo
  • Kunakekelwa KwemaHholwa EMbuso Kudvumisa Jehova
  • Indlela Wena Longasito Ngayo
  • Lena Yindzawo Yetfu Yekukhontela
    Sicongosekulindza Simemetela UMbuso WaJehova—2015
  • Kunakekela Tindzawo Tetfu Tekukhontela
    Kuphila KwemaKhristu Nemsebenti Wawo—Incwajana Yekubhalela Emihlanganweni—2017
Indlela Iminikelo Yenu Lesetjentiswa Ngayo
hdu sihloko 30
EHholweni leMbuso umzalwane ugibele scaffold, ususa emacembe ku-gutter.

INDLELA IMINIKELO YENU LESETJENTISWA NGAYO

Kunakekelwa KwemaHholwa Etfu EMbuso

APRIL 1, 2024

“Ngiyalitsandza liHholwa letfu leMbuso!” kusho Nicole, dzadze losemusha waseColombia. “Liyindzawo lapho ngijabulela khona kuba nebazalwane nabodzadzewetfu.” Nawe utiva njengaNicole yini?

BoFakazi BaJehova emhlabeni wonkhe bahlangana emaHholweni eMbuso lacishe abe ngu-63 000. Letakhiwo atigcini nje ngekuba tindzawo letikahle tekukhontela Nkulunkulu, kodvwa tenta lokungetulu kwaloko. David, lihlahlandlela lelivamile laseColombia utsi: “LiHholwa letfu leMbuso lihlobisa loko lesikufundzisako. Bantfu labanyenti nabasivakeshele bayamangala kubona indlela lamaHholwa etfu lanakekeleke kahle ngayo.” Loku akutentakaleli nje, kodvwa sisebenta kamatima kuze siwahlante siphindze siwanakekele. Yini lesisita sikhone kukwenta loku?

Uhlelwe Njani Umsebenti Wekunakekela Letakhiwo?

Emabandla lasebentisa liHholwa leMbuso ngiwo lanemsebenti wekulinakekela. Kungako bazalwane nabodzadze baligcina lihlobile, balinakekela futsi balungisa netintfo letincane letidzinga kulungiswa.

Kuze isite emabandla anakekele emaHholwa awo eMbuso, litiko laka-Local Design/Construction (LDC) likhetsa bazalwane labatawucecesha labanye ngetindzaba tekunakekela letakhiwo. Umzalwane locecesha labanye ngekunakekela letakhiwo ubuka kunakekelwa kwemaHholwa eMbuso langaba ngu-6 kuya kulangu-10. Uyawavakashela aphindze aceceshe bamemeteli labasebentisa leloHholwa kutsi bangalinakekela njani. Njalo ngemuva kweminyaka lemitsatfu uhlolisisa sakhiwo ngasinye kuze abone kutsi kute yini tinkinga letikhona letidzinga kulungiswa.

Umzalwane we-LDC locecesha ngetindzaba tekunakekela takhiwo ukhuluma nebazalwane kanye nabodzadze eHholweni leMbuso.

Bazalwane be-LDC labacecesha ngetindzaba tekunakekela takhiwo basisita sigcine emaHholwa etfu eMbuso asesimeni lesikahle

Bazalwane nabodzadze bayabonga ngalokuceceshwa labakutfolako. Indhumathi, dzadze wase-India, utsi: “Sakujabulela lokuceceshwa. Bekumnandzi kufundza ngendlela lesingaligcina ngayo lihholwa letfu lisesimeni lesikahle.” Evans, umzalwane waseKenya, utsi: “Sifundze indlela yekubalekela tindleko letisetulu ngekulungisa tinkinga tisetincane.”

Kubhadala Tindleko

Kusebentisa kanye nekunakekela emaHholwa eMbuso kungabita emakhulu kuya etinkhulungwaneni tema-dollara njalo ngemnyaka, kuye ngekutsi liHholwa likuyiphi indzawo, selibe khona sikhatsi lesingakanani nekutsi mangakhi emabandla lalisebentisako. Tinakekelwa njani letindleko?

Kunakekelwa kwemaHholwa eMbuso kusekelwa ngeminikelo. Alexander, umzalwane waseKazakhstan, utsi: “Lenye incenye yalemali isetjentiselwa kubhadalela i-internet, emanti kanye nagesi kantsi lenye isetjentiselwa kutsenga kwekusula tandla, ema-gloves, tintfo tekuhlanta napende.” Imali lesalako inikelelwa umsebenti wemhlaba wonkhe kuze kusitwe emisebentini lemikhulu nalebitako yekunakekela takhiwo tenhlangano emhlabeni wonkhe.

Imisebenti Lemikhulu Yekunakekela Takhiwo

Nangabe kunakekelwa kweliHholwa leMbuso kutawudzinga imali lengetulu kwaleyo bazalwane labavame kuyisebentisa ngetinyanga letimbili nome letintsatfu, labadzala belibandla bakhuluma nemzalwane we-LDC locecesha ngetindzaba tekunakekela takhiwo. Nangabe i-LDC ivuma kutsi kuchutjekwe nalomsebenti, ngalokuvamile ukhokhelwa ngeminikelo leyentelwe umsebenti wemhlaba wonkhe. Ngemnyaka wemsebenti wanga-2023, kwaba nemisebenti lenjalo leyentiwa lengu-8 793 leyabita $76.6 million. Nati tibonelo letimbili.

Lelinye liHholwa leMbuso lase-Angola lelineminyaka lengu-15, beselinetinkinga letinyenti. Bekudzingeka tintsambo tagesi letinsha, kulungiswa kwetibondza letichekekile, kanye nekulungisa inkinga yemanti emvula lasuka eHholweni ageletele kubomakhelwane. I-LDC yahlela kutsi letinkinga tilungiswe. Lomsebenti wabita $9 285. Bomakhelwane babonga futsi yabajabulisa indlela lomsebenti lowentiwa ngayo.

LiHholwa leMbuso lelilungiswe kahle e-Angola

EPoland, lelinye liHholwa leMbuso belineluphahla loluvutako futsi i-carpet yalo beseyonakele kakhulu kangangekutsi beyingeke isasebentiseka. I-LDC yavuma kutsi kulungiswe loluphahla ngendlela yekutsi lungaphindzi luvutise emanti kuphindze kufakwe i-carpet lensha. Lomsebenti wabita $9 757. Ngenca yalomsebenti, kutawutsatsa sikhatsi lesidze kutsi leliHholwa liphindze lidzinge kulungiswa.

Titfombe: 1. Bazalwane lababili basetulu bahlanta luphahla eHholweni leMbuso. 2. EHholweni leMbuso lelifanako, bazalwane bakhipha i-carpet leseyigugile.

LiHholwa leMbuso lelisePoland liyalungiswa

Kunakekelwa KwemaHholwa EMbuso Kudvumisa Jehova

Kunakekelwa kwemaHholwa eMbuso akugcini nje ngekonga iminikelo, kodvwa kuphindze kudvumise ligama laJehova. Shaun lomunye umzalwane waseTonga utsi: “Ngenca yekuwanakekela kahle emaHholwa etfu eMbuso siyakhona kukhontela Jehova endzaweni lehlantekile nalesesimeni lesikahle futsi lelimelela kahle ligama lakhe emmangweni. Site emahloni ekumemela bantfu eHholweni letfu leMbuso.”

Indlela Wena Longasito Ngayo

Sonkhe singasita ekuhlanteni nasekunakekeleni indzawo yetfu yekukhontela Jehova. Marino, umzalwane we-LDC locecesha ngetindzaba tekunakekela takhiwo e-Australia utsi: “Sonkhe singaba nencenye kulomsebenti lojabulisako wekunakekelwa kwemaHholwa eMbuso. Ngekwenta njalo, sisita ekongeni imali kuze isetjentiswe lapho idzingeke kakhulu khona.”

Lomunye umzalwane wase-India lokutsiwa nguJoel, uyakujabulela kunakekela liHholwa labo leMbuso. Utsi: “Kusebenta nebazalwane kanye nabodzadzewetfu kunginiketa sitfombe sekutsi kutobanjani eveni lelisha.” Nicole, lesike sakhuluma ngaye, utsi: “Ngesikhatsi bazalwane balungisa tindlu tangasense lebetivutisa emanti, ngasita ekuwasuleni. Ngisho nobe ngingazange ngibe nesandla ekulungiseni lenkinga, kodvwa ngasita kutsi kubebete lolimalako.”

Nawufuna kuvolontiya kuze usite ekunakekelweni kwemaHholwa eMbuso, khuluma nalabadzala belibandla lokulo. Ngetulu kwaloko, umnikelo wakho ungasita ekunakekeleni liHholwa lenu leMbuso kanye nalamanye lasemhlabeni wonkhe. Leminikelo ingentiwa emabhokisini emnikelo laseHholweni leMbuso nobe ku-website letsi donate.jw.org. Sinibonga kakhulu ngekwephana kwenu.

Bazalwane nabodzadze bahlantisisa liHholwa lembuso kantsi lomunye umzalwane ulungisa situlo.

Sonkhe singasita ekunakekelweni kwemaHholwa etfu eMbuso

a Yonkhe imali lengema-dollar lekulesihloko, ingema-dollar aseMelika.

    Tincwadzi TesiSwati (2002-2025)
    Phuma
    Ngena
    • SiSwati
    • Share
    • Khetsa Lokufunako
    • Copyright © 2025 I-Watch Tower Bible and Tract Society of Pennsylvania
    • Imibandzela Yekuyisebentisa
    • Kusetjentiswa Kwemininingwane Yakho
    • Privacy Settings
    • JW.ORG
    • Ngena
    Share