Umbhalo longentansi

b Lendlu lengcwele beyisakhiwo lesinetinhlangotsi letine letingalingani (rectangular) futsi beyilithende lelikhulu lelakhelwe etikwesakhiwo setinkhuni. Ngalesikhatsi yakhiwa, kwasetjentiswa tintfo letihamba embili​—sikhumba sesili, tindvwangu letihlotjiswe kahle, netingodvo letinanyekwe ligolide nelisiliva. Lesakhiwo besisemkhatsini welibala lelinetinhlangotsi letine letingalingani, futsi kulelo bala bekukhona nelilati lelihle lekwenta imihlatjelo. Kuyacaca kutsi ngekuhamba kwesikhatsi, kwakhiwa lamanye emakamelo emaceleni alelithende lekukhontela kuze asetjentiswe baphristi. Kubonakala shengatsi Samuweli abelala kulelinye lalawo makamelo.