Incwadzi Yesibili YaSamuweli

3 Imphi lebeyikhona emkhatsini wendlu yaSawula neyaDavide yachubeka futsi Davide wachubeka aba nemandla,+ kodvwa indlu yaSawula yona yayiphelelwa ngemandla.+

2 Ngesikhatsi lesifanako, Davide waba nemadvodzana nakaseHebroni.+ Litibulo lakhe bekungu-Amnoni+ lamtalelwa ngu-Ahinowami+ waseJezreyeli. 3 Indvodzana yakhe yesibili bekunguKhileyabi lamtalelwa ngu-Abigayili,+ umfelokati waNabali wesive semaKhameli; yesitsatfu bekungu-Absalomu+ lamtalelwa nguMakha, indvodzakati yaThalmayi+ inkhosi yaseGeshuri. 4 Yesine bekungu-Adoniya,+ lamtalelwa nguHagithi futsi yesihlanu bekunguShefathiya, lamtalelwa ngu-Abitali. 5 Yesitfupha bekunguJithreyamu lamtalelwa ngumkakhe, Egla. Lawa ngemadvodzana latalwa nguDavide nakaseHebroni.

6 Njengobe beyichubeka imphi emkhatsini wendlu yaSawula nendlu yaDavide, Abneri+ naye bekachubeka acinisa sikhundla sakhe endlini yaSawula. 7 Sawula bekanemfati lomncane lobekutsiwa nguRispha,+ indvodzakati ya-Aya. Ngekuhamba kwesikhatsi, Ishboshethi+ watsi ku-Abneri: “Uyeleni ecansini nemfati wababe?”+ 8 Abneri amtfukutselisa kakhulu lamavi lashiwo ngu-Ishboshethi, futsi watsi: “Ngisilima sakaJuda yini mine? Kuze kube ngulamuhla bengisolo ngetsembekile endlini yaSawula babe wakho, kanye nakubomnakabo nebangani bakhe futsi angikaze ngikutsengise kuDavide; kodvwa lamuhla sewungibalela liphutsa lelimayelana nemfati. 9 Shengatsi Nkulunkulu angangijezisa kakhulu nangabe ngingenti kuDavide njengobe Jehova afunga kuye.+ 10 Wafunga kutsi utawususa umbuso endlini yaSawula abeke Davide kutsi abe yinkhosi ka-Israyeli nakaJuda, kusuka kaDani kuya eBherisheba.”+ 11 Ishboshethi akakhonanga kusho ngisho nalinye livi ku-Abneri ngobe bekamesaba.+

12 Ngekushesha Abneri watfumela titfunywa kuDavide watsi: “Labani lelive?” Wachubeka watsi: “Yenta sivumelwane nami, mine ngitawubese ngenta nobe ngabe yini lengingayenta* kute sonkhe sive saka-Israyeli sibe ngakuwe.”+ 13 Davide waphendvula watsi: “Kulungile, ngitasenta sivumelwane nawe. Lengikucela kuwe nje kutsi ungacali ute kutongibona ungakamletsi kucala Mikhali+ indvodzakati yaSawula.” 14 Davide wabese utfumela titfunywa ku-Ishboshethi+ indvodzana yaSawula, watsi: “Nginike umfati wami Mikhali lengamtfola ngemajwabu langu-100 emaFilisti.”+ 15 Ngako Ishboshethi watfumela kutsi kuyolandvwa Mikhali endvodzeni yakhe lenguPhaltiyeli+ indvodzana yaLayishi. 16 Kodvwa lendvodza yayichubeka imkhalela, ilila njengobe beyimlandzela yaze yayofika eBhahurimu.+ Abneri wase utsi kuyo: “Buyela emuva!” Yabese ibuyela emuva.

17 Kwatsi kusenjalo, Abneri watfumela livi emadvodzeni lamadzala aka-Israyeli watsi: “Benisolo nifuna kutsi Davide abe yinkhosi yenu. 18 Sale nimbeka-ke nyalo ngobe Jehova utsite kuDavide: ‘Ngitawusindzisa bantfu bami ema-Israyeli ngenceku yami Davide,+ ngibasindzise kumaFilisti nakuto tonkhe titsa tabo.’” 19 Ngemuva kwaloko, Abneri wakhuluma nebantfu bakaBhenjamini.+ Waphindze wayokhuluma naDavide ngasense eHebroni ngesivumelwane lebesentiwe ngema-Israyeli nayo yonkhe indlu yakaBhenjamini.

20 Ngesikhatsi Abneri efika kuDavide eHebroni nemadvodza langu-20, Davide wabentela lidzili. 21 Abneri wabese utsi kuDavide: “Asengihambe ngiyobita onkhe ema-Israyeli ete enkhosini yami, kute ente sivumelwane nawe futsi wena utawuba yinkhosi kubo bonkhe lofuna kuba yinkhosi kubo.”* Ngako Davide wakhulula Abneri, futsi Abneri wahamba ngekuthula.

22 Ngemuva kwaloko, Jowabe netinceku taDavide babuya ekuhlaseleni futsi babuya netintfo letinyenti lebebatitsatsele tona. Abneri bekangasekho kuDavide eHebroni ngobe Davide besekambuyisele emuva ngekuthula. 23 Ngesikhatsi kufika Jowabe+ kanye nalo lonkhe libutfo labehamba nalo, batsi kuye: “Bekufike Abneri+ indvodzana yaNeri+ ete enkhosini, inkhosi yamkhulula futsi wahamba ngekuthula.” 24 Ngako Jowabe waya enkhosini wafike watsi: “Yini loloyentile? Abneri abete kuwe. Umbuyiseleleni emuva kute ahambe ngekuthula? 25 Umati kahle yini Abneri indvodzana yaNeri? Ukwenta silima. Beketele kutohlola kutsi tintfo tihamba njani lapha nekubona konkhe lokwentako.”

26 Ngako Jowabe wamshiya Davide futsi Jowabe watfumela titfunywa ku-Abneri, tamkhandza emtfonjeni waseSira tase tibuya naye, kodvwa Davide bekangati lutfo ngaloko. 27 Watsi Abneri nakefika eHebroni,+ Jowabe wamngenisa esangweni futsi wakhuluma naye babodvwa. Wamgwaza esiswini khona lapho kuleyo ndzawo wafa.+ Wamgwazela kutsi wabulala Asaheli umnakabo.+ 28 Nakakuva loko Davide ngemuva kwesikhatsi, watsi: “Mine nembuso wami siyohlale simsulwa embikwaJehova ecaleni lengati+ ya-Abneri indvodzana yaNeri. 29 Shengatsi lingaba kuJowabe+ nayo yonkhe indlu yababe wakhe. Shengatsi endlini yaJowabe kungahlale kunemuntfu logula ngekutsi kuphume lokutsite esitfweni sakhe sangasense+ noma umuntfu lonebulephelo+ nobe indvodza lekhubatekile lesebenta umsebenti webafati nobe umuntfu lobulawa ngenkemba nobe loweswela kudla.”+ 30 Ngako, Jowabe na-Abishayi+ umnakabo babulala Abneri+ ngobe Abneri bekabulele Asaheli umnakabo, emphini+ yaseGibeyoni.

31 Davide wabese ukhuluma naJowabe kanye nalabantfu labebanaJowabe, watsi: “Dzabulani timphahla tenu, nigcoke indvwangu yelisaka bese nililela Abneri.” Inkhosi Davide beyihamba ngemuva kwebantfu lebebaphetse luhlaka lebeluna-Abneri nase ayongcwatjwa. 32 Bamngcwaba eHebroni, futsi inkhosi yakhala kakhulu ethuneni lakhe, nebantfu bonkhe badzindza sililo. 33 Inkhosi yahlabela ingoma yekulilela Abneri lebeyitsi:

“Abneri bekufanele afe njengemuntfu longenangcondvo yini?

Uwise kwemuntfu lowe embikwetigelekece.”*+

Ngenca yaloko, bonkhe bantfu baphindze balilela Abneri.

35 Ngemuva kwesikhatsi, bonkhe bantfu beta kuDavide bamnika sinkhwa sekumdvudvuta* lisengakashoni lilanga, kodvwa Davide wafunga watsi: “Shengatsi Nkulunkulu angangicalekisa nakungenteka ngidle lesinkhwa nome lokunye lingakashoni lilanga.”+ 36 Bonkhe bantfu bakunaka loko futsi kwabajabulisa. Konkhe lokwentiwa yinkhosi kwabajabulisa bonkhe labantfu. 37 Ngako bonkhe bantfu nawo onkhe ema-Israyeli bati ngalelolanga kutsi kwakungesiyo inkhosi lebeyibulele Abneri indvodzana yaNeri.+ 38 Ngemuva kwaloko inkhosi yatsi etincekwini tayo: “Anati yini kutsi kufe umuntfu lobekasesikhundleni lesiphakeme nalomkhulu ka-Israyeli?+ 39 Lamuhla sengite emandla naloku ngigcotjwe ngaba yinkhosi.+ Lamadvodza langemadvodzana aSeruya+ abe nesibhuku lesibi kimi.+ Shengatsi Jehova angaphindzisela lolokubi lakwentile.”+