Zakhariya
3 Ngabese ngikhonjiswa Joshuwa+ umphristi lophakeme eme embikwengilosi yaJehova, futsi Sathane+ bekeme ngesekudla saJoshuwa kuze amelane naye. 2 Lengilosi yaJehova yabese itsi kuSathane: “Shengatsi Jehova angakwekhuta wena Sathane!+ Shengatsi Jehova lokhetse iJerusalema+ angakwekhuta! Joshuwa akasiso yini sikhuni lesivutsako lesikhishwe emlilweni?”
3 Joshuwa bekagcoke timphahla letingcolile futsi eme embikwalengilosi. 4 Lengilosi yakhuluma nalabo lebeyinabo yatsi: “Mkhumuleni letimphahla letingcolile.” Yabese itsi kuye: “Sengisisusile sono* sakho, futsi utawugcokiswa timphahla letinhle.”*+
5 Mine ngatsi: “Akashuculiswe ngemshuculo lohlobile.”+ Ngako bamshuculisa ngemshuculo lohlobile, bamgcokisa netimphahla; futsi ingilosi yaJehova beyime edvute nalapho. 6 Lengilosi yaJehova yabese itsi kuJoshuwa: 7 “Naku lokushiwo nguJehova wemabutfo: ‘Nangabe utawuhamba etindleleni tami futsi wente imisebenti lengikunikete yona, utawehlulela bantfu* bami futsi unakekele* nendlu* yami;+ ngitawenta nekutsi ungene ngekukhululeka embikwami, njengalaba labeme lana.’
8 “‘Awu wena Mphristi Lophakeme Joshuwa, kanye nebaphristi labahlala embikwakho, ngicela nilalele ngobe nine nisibonakaliso setintfo letiseta. Ngiletsa inceku yami+ lebitwa ngekutsi Lihlumela!+ 9 Asenibuke nali litje lengilibeke embikwaJoshuwa! Kulelitje kunemehlo langu-7 futsi ngitawubhala emavi kulo, nesono salelive ngitasisusa ngelilanga linye,’ kusho Jehova wemabutfo.+
10 “Jehova wemabutfo utsi: ‘Ngalelolanga, nonkhe nitawubita bomakhelwane benu kutsi bete batewuhlala ngephansi kwetihlahla tenu temagilebisi netemakhiwa.’”+