Ungaba Ngumngani WaJehova

Jehova ufuna kutsi umati kancono. Leni? Ngobe unelitsemba lekutsi nawati buntfu bakhe, indlela lenta ngayo tintfo nobe indlela laphatsa ngayo bantfu, kanye naloko lakufunela kona, utawufuna kuba ngumngani wakhe. Uyakholwa yini kutsi ungaba ngumngani waNkulunkulu? (Fundza Tihlabelelo 25:14.) Yini longayenta kute ube ngumngani wakhe? LiBhayibheli liyayiphendvula lemibuto, liphindze livete kutsi kuba ngumngani waJehova kubaluleke kakhulu kwendlula nobe ngabe ngubuphi buhlobo lesingaba nabo nalabanye bantfu.

1. Jehova ukumema kutsi wenteni?

“Sondzelani kuNkulunkulu, naye utawusondzela kini.” (Jakobe 4:8) Kusho kutsini loko? Jehova ukumema kutsi ube ngumngani wakhe. Labanye bantfu abakholwa kutsi bangaba bangani baNkulunkulu, ngobe abamboni. Nobe kunjalo, eVini lakhe liBhayibheli, Jehova usitjela konkhe lokudzingeka sikwati ngebuntfu bakhe kuze sisondzele kuye. Nasifundza umlayeto Nkulunkulu lasibhalele wona eBhayibhelini, bungani betfu naye buyakhula ngisho nobe singazange sesimbone.

2. Kungani Jehova angumngani lokahle kakhulu longaba naye?

Jehova ukutsandza kwendlula nobe ngabe ngumuphi lomunye umuntfu. Ufuna kutsi ujabule futsi ukhulume naye nawudzinga lusito. Ungaphonsa ‘konkhe kukhatsateka kwakho kuye ngoba uyakukhatsalela.’ (1 Phetro 5:7) Jehova uhlale akulungele kusekela bangani bakhe, kubadvudvuta kanye nekubalalela.—Fundza Tihlabelelo 94:18, 19.

3. Yini Jehova lalindzele kutsi bangani bakhe bayente?

Jehova ubatsandza bonkhe bantfu, “kodvwa ungumngani lomkhulu webantfu labalungile.” (Taga 3:32) Jehova ulindzele kutsi bangani bakhe betame kwenta tintfo letilungile futsi bangatenti tintfo timbi. Labanye beva ungatsi angeke bakhone kwenta tonkhe tintfo Jehova lalindzele kutsi batente. Nobe kunjalo, Jehova uyacabangela. Ubemukela bonkhe labamtsandza mbamba futsi labetama kumjabulisa.—Tihlabelelo 147:11; Imisebenti 10:34, 35.

CHUBEKA UFUNISISA

4. Abrahama bekangumngani waJehova

Loko lokushiwo liBhayibheli nga-Abrahama (lophindze abitwe ngekutsi ngu-Abrama) kusisita sibone kutsi kusho kutsini kuba ngumngani waNkulunkulu. Fundza nga-Abrahama kuGenesisi 12:1-4, bese nicoca ngalemibuto:

• Jehova watjela Abrahama kutsi enteni?

• Yini Jehova lametsembisa yona?

• Abrahama wenta njani kuloko Jehova bekamtjele kutsi akwente?

5. Loko Jehova lalindzele kutsi bangani bakhe bakwente

Ngalokuvamile natsi silindzele kutsi bangani betfu basentele lokutsite.

• Ngutiphi tintfo lotsandza kutsi bangani bakho bakwentele tona?

Fundza 1 Johane 5:3, bese nicoca ngalombuto:

• Yini Jehova lalindzele kutsi yentiwe bangani bakhe?

Kuze silalele Jehova, kungadzingeka kutsi sishintje indlela lesitiphatsa ngayo kanye nemikhuba lesiyentako. Fundza Isaya 48:17, 18, bese nicoca ngalombuto:

• Kungani Jehova acela bangani bakhe kutsi bente lushintjo ekuphileni kwabo?

6. Indlela Jehova labasita ngayo bangani bakhe

I-VIDEO: Kunyenti Jehova Langentele Kona (3:20)

• Jehova umsite njani lowesifazane lokule-video kutsi alwisane nemicabango kanye nemiva lebuhlungu?

Fundza Isaya 41:10, 13, bese nicoca ngalemibuto:

• Yini Jehova layetsembisa bonkhe bangani bakhe?

• Ucabanga kutsi Jehova angaba nguMngani lokahle yini? Yini lekwenta usho njalo?

7. Kuba ngumngani waJehova kufaka ekhatsi kukhuluma naye

Bangani basondzelana kakhulu nangabe bahlale bakhulumisana. Fundza Tihlabelelo 86:6, 11, bese nicoca ngalemibuto:

• Singakhuluma njani naJehova?

• Jehova ukhuluma njani natsi?

LOKO LESICOCE NGAKO

Jehova ufuna kuba nguMngani wakho, futsi utakusita kutsi usondzele kuye.

Yini Loyifundzile?

• Jehova ubasita njani bangani bakhe?

• Kungani Jehova afuna kutsi bangani bakhe bente lushintjo ekuphileni kwabo?

• Ucabanga kutsi kulukhuni yini loko Jehova lalindzele bangani bakhe kutsi bakwente? Kungani utsi yebo, nobe utsi cha?

LOKUNYE LONGAKUHLOLA

Kuba ngumngani waNkulunkulu kungakushintja njani kuphila kwakho?

“UJehova UNkulunkulu Ofanelwe Ukwaziwa” (Sicongosekulindza saFebruary 15, 2003, lesitfolakala ngesiZulu)

Fundza indlela lengakusita kutsi ube ngumngani waNkulunkulu.

“How Can I Become God’s Friend?” (Questions Young People Ask—Answers That Work, Volume 2, chapter 35, letfolakala ngesiNgisi)

Tfola kutsi kungani lomunye wesifazane atsi kuba ngumngani waJehova kwasindzisa kuphila kwakhe.

“Bengikwesaba Kufa!” (Sicongosekulindza No. 1 2017)

Lalela bantfu labasha nabaveta indlela labativa ngayo ngekuba bangani baJehova.

Yini Leshiwo Kuba Ngumngani WaNkulunkulu? (1:46)

6. Kubhajatiswa kusho kuba yincenye yemndeni waJehova

Nasibhajatiswa, siba yincenye yemndeni lonebunye, losemhlabeni wonkhe. Ngisho nobe sichamuka kuliphi live, sikholelwa etintfweni letifanako futsi siphila ngetimiso letifanako tekutiphatsa letiseBhayibhelini. Fundza Tihlabelelo 25:14 na-1 Phetro 2:17, bese nicoca ngalombuto:

• Kubhajatiswa kubutsintsa njani buhlobo umuntfu lanabo naJehova kanye nebuhlobo lanabo naletinye tikhonti taKhe?

2. Singayijabulela njani imphilo lenenjongo nyalo?

Jehova wasidala saba nesifiso sekunaka “tintfo letiphatselene naNkulunkulu,” lokusifiso sekumati nekumkhonta. (Fundza Matewu 5:3-6.) Ufuna sibe nebuhlobo lobuhle naye, ‘sihambe ngato tonkhe tindlela takhe, simtsandze futsi simkhonte ngayo yonkhe inhlitiyo yetfu.’ (Dutheronomi 10:12; Tihlabelelo 25:14) Nasenta njalo, singajabula mbamba ngisho sinetinkinga. Kukhonta Jehova kwenta kutsi kuphila kwetfu kube nenjongo.