• Indlela Yekwenta Tincumo Letikahle
    Jabulela Kuphila Kuze Kube Phakadze!—Incwadzi Letakusita Ulati Kahle LiBhayibheli

    • 5. Hlonipha bonembeza balabanye

      Bantfu ngeke bente tincumo letifanako. Singakhombisa njani kutsi siyabahlonipha bonembeza balabanye? Cabanga nganati timo letimbili:

      Simo sekucala: Dzadze lotsandza i-makeup utfutsela ebandleni lelinabodzadze labangayitsandzi i-makeup.

      Fundza KubaseRoma 15:1 na-1 KubaseKhorinte 10:23, 24, bese nicoca ngalomibuto:

      • Ngekwaloko lokushiwo ngulamavesi, ngusiphi sincumo lesingatsatfwa ngulodzadze? Yini lotayenta nawunemuntfu lonanembeza longamvumeli kutsi ente intfo letsite, kantsi wena nembeza wakho uyakuvumela kutsi uyente?

      Simo sesibili: Umzalwane uyati kutsi liBhayibheli alisho kutsi kubi kunatsa tjwala, kodvwa ukhetsa kungabunatsi. Umenywa emcimbini lapho abona khona labanye bazalwane banatsa tjwala.

      Fundza Umshumayeli 7:16 na-KubaseRoma 14:1, 10, bese nicoca ngalomibuto:

      • Ngekwaloko lokushiwo ngulamavesi, ngusiphi sincumo lesingatsatfwa ngulomzalwane? Yini lotayenta nawubona umuntfu enta intfo wena nembeza wakho longakuvumeli kutsi uyente?

      Ngutiphi tinyatselo letiholela ekwenteni tincumo letikahle?

      Wesifazane uyathantaza.

      1. Cela Jehova akusite wente sincumo.—Jakobe 1:5.

      Lowesifazane uyacwaninga asebentisa liBhayibheli, tincwadzi letisekelwe eBhayibhelini kanye ne-computer.

      2. Yenta lucwaningo eBhayibhelini nasetincwadzini letisekelwe kulo kuze utfole timiso longatisebentisa. Ungaphindze ukhulume nemaKhristu lavutsiwe.

      Lowesifazane uyacabanga.

      3. Cabanga ngemphumela sincumo sakho lesingaba nawo kunembeza wakho kanye nakubonembeza balabanye.