• Utawuvuma Yini Kube Nalokukuvimbela Kutsi Ulandzele Jesu?
    Sicongosekulindza (Lofundvwako)—2021 | May

    • (3) JESU AKAZANGE AWAGCINE EMASIKO LAMANYENTI EMAJUDA

      Bantfu labanyenti abazange bamemukele Jesu ngenca yekwala kulandzela lamanye emasiko abo. Letintfo tingabenta njani labanye kutsi bangabate? (Buka sigaba 13)d

      13. Yini leyabangela bantfu labanyenti bangamemukeli Jesu?

      13 Ngemalanga aJesu, bafundzi baJohane uMbhabhatisi bamangaliswa kutsi bafundzi baJesu abakuzili kudla. Jesu wachaza kutsi bekute sidzingo sekutsi bazile kudla njengobe bekasaphila. (Mat. 9:14-17) Nobe kunjalo, baFarisi kanye nalabanye lebebaphikisa Jesu abazange bamemukele ngobe bekangawagcini emasiko abo. Batfukutsela ngesikhatsi elapha labagulako ngeliSabatha. (Mak. 3:1-6; Joh. 9:16) Bebatigcabha ngekutsi bayaligcina liSabatha kodvwa babe benta libhizinisi ethempelini. Batfukutsela bagcwala kokane ngesikhatsi Jesu atsi benta intfo lembi. (Mat. 21:12, 13, 15) Batfukutsela kakhulu nalabo Jesu labashumayela esinagogeni laseNazaretha ngesikhatsi asebentisa tibonelo tangesikhatsi sema-Israyeli kuze abakhombise kutsi bebaticabangela bona futsi bete kukholwa. (Luk. 4:16, 25-30) Bantfu labanengi abazange bamemukele Jesu ngobe akazange ente ngendlela lebebacanga ngayo.—Mat. 11:16-19.

      14. Kungani Jesu awalahla emasiko lebekangavumelani nemiBhalo?

      14 Itsini imiBhalo? Asebentisa umphrofethi Isaya, Jehova watsi: “Labantfu bakhuluma nami ngemilomo yabo futsi bayangidvumisa ngetindzebe tabo, kodvwa inhlitiyo yabo ikhashane kakhulu nami; futsi kungesaba kwabo kusekelwe emiyalweni labayifundziswe bantfu.” (Isa. 29:13) Jesu wenta kahle ngekulahla emasiko ebantfu lebekangahambisani nemiBhalo. Labo lebebacabanga kutsi imitsetfo kanye nemasiko ebantfu kubaluleke kakhulu kuneliBhayibheli, bebangamemukeli Jehova kanye naMesiya lamtfumile.

  • Utawuvuma Yini Kube Nalokukuvimbela Kutsi Ulandzele Jesu?
    Sicongosekulindza (Lofundvwako)—2021 | May

    • (4) JESU AKAZANGE ALETSE LUSHINTJO KUTEPOLITIKI

      Bantfu labanyenti abazange bamemukele Jesu ngenca yekungafuni kungenela tepolitiki. Letintfo tingabenta njani labanye kutsi bangabate? (Buka sigaba 17)e

      17. Bantfu labanyenti ngesikhatsi saJesu bebalindzele kutsi Mesiya enteni?

      17 Ngemalanga aJesu, bantfu labanyenti bebafuna kutsi kube nelushintjo kutepolitiki. Bebalindzele kutsi Mesiya abakhulule ekucindzetelweni ngumbuso wemaRoma. Kodvwa ngesikhatsi betama kubeka Jesu kutsi abe yinkhosi yabo, wala. (Joh. 6:14, 15) Baphristi kanye nalabanye bebakhatsateke ngekutsi Jesu utawuletsa lushintjo kutepolitiki, bese emaRoma ayatfukutsela emuke baphristi emandla lebekabanike wona. Ngenca yekukhatsateka ngaloko, emaJuda lamanyenti akazange amemukele Jesu.

      18. Ngutiphi tiphrofetho letiseBhayibhelini letimayelana naMesiya bantfu labanyenti labangazange batinake?

      18 Itsini imiBhalo? Nanobe tiphrofetho letinyenti tasho kutsi Mesiya utawugcina aLichawe lelincobako, letinye takhombisa kutsi bekutawudzingeka acale afele tono tetfu. (Isa. 53:9, 12) Ngako, kungani emaJuda bekanembono longasiwo ngaMesiya? Bantfu labanyenti lebebaphila ngesikhatsi saJesu, bebangatinaki tiphrofetho lebetingeke ticedze tinkinga tabo ngekushesha.—Joh. 6:26, 27.