-
Khutsata Bodzadze Ebandleni LokuloSicongosekulindza (Lofundvwako)—2020 | September
-
-
NjengaJesu, singakhombisa kutsi siyabakhatsalela bodzadze labetsembekile (Buka tigaba 6-9)e
6. Ngekusho kwaLukha 10:38-42, Jesu wabasita njani boMata naMariya?
6 Jesu bekacitsa sikhatsi nabodzadze lebebatsandza Jehova, futsi bekangumngani mbamba kubo. Cabanga ngebungani lebakanabo naMariya kanye naMata, bobabili lebebangakashadi. (Fundza Lukha 10:38-42.) Jesu wabenta bativa bakhululekile ngaloko lebekakukhuluma nangetento takhe. Mariya wativa akhululekile kuhlala etinywaweni takhe.c Ngesikhatsi Mata akhatsatekile ngekutsi Mariya akamsiti, wativa akhululekile kutjela Jesu loko lebekumkhatsata. Njengobe bebahlangene kulombutsano, Jesu wasita labafati lababili kutsi bafundze tifundvo letibalulekile. Wakhombisa kutsi uyabakhatsalela bona kanye nemnakabo Lazaru ngekutsi ahle abavakashela. (Joh. 12:1-3) Ngesikhatsi Lazaru agula kamatima, Mariya naMata bebati kutsi bangamcela Jesu kutsi abasite.—Joh. 11:3, 5.
-
-
Khutsata Bodzadze Ebandleni LokuloSicongosekulindza (Lofundvwako)—2020 | September
-
-
c Lenye incwadzi yatsi: “Bafundzi bebahlala etinyaweni tebafundzisi babo. Bafundzi labatimisele bebatilungiselela kuba bafundzisi, futsi labasikati bebangakavumeleki kutsi babe bafundzisi. . . . Ngako emadvodza lamanyenti langemaJuda bekangamangala kubona Mariya ahleti etinyaweni taJesu futsi akulangatelela kufundziswa nguye.”
-