2. Lokwentiwa yinkholo yemanga kummelela kabi ngayiphi indlela Nkulunkulu?

Inkholo yemanga ayibaphatsi bantfu ngendlela Nkulunkulu labaphatsa ngayo. LiBhayibheli litsi tono tenkholo yemanga “setincwabelene taze tefika ezulwini.” (Sembulo 18:5) Sekuphele iminyaka leminyenti tinkholo tingenela tepolitiki, tisekela timphi, futsi tibangela kufa kwebantfu labanyenti. Labanye baholi benkholo baphila imphilo lentofontofo, futsi bafuna emalunga etinkholo tabo abanike imali. Letento tabo tifakazela kutsi abamati Nkulunkulu, futsi bete nelilungelo lekummelela.—Fundza 1 Johane 4:8.

5. Ungatihlanganisi neBhabhulona Lenkhulu

I-VIDEO: Phumani EBhabhulona Lenkhulu! (5:06)

Fundza Lukha 4:8 neSembulo 18:4, 5, bese uphendvula lemibuto:

• Ngisebhaliswe njengelilunga lenkholo yemanga yini?

• Ngililunga lenhlangano lesebentelana nenkholo yini?

• Kungenteka yini umsebenti lengiwentako usekela inkholo yemanga ngandlela tsite?

• Tikhona yini tici ekuphileni kwami lapho kusadzingeka ngitehlukanise khona nenkholo yemanga?

• Nangabe ngiphendvula nga-yebo kuleminye yalemibuto, nguluphi lushintjo lokufanele ngilwente?

Kunobe ngusiphi simo, yenta sincumo lesitakushiya unanembeza lohlantekile, futsi ukhombise kutsi wetsembekile kuJehova.