-
Ungubani Nkulunkulu?Jabulela Kuphila Kuze Kube Phakadze!—Incwadzi Letakusita Ulati Kahle LiBhayibheli
-
-
2. LiBhayibheli lisitjelani ngaJehova?
LiBhayibheli litsi kubo bonkhe bonkulunkulu labakhontwa bantfu, Jehova nguye kuphela longuNkulunkulu weliciniso. Kungani lisho njalo? Kunetizatfu letinyenti. Jehova usesikhundleni lesiphakeme futsi nguye yedvwa “Losetikwako Konkhe emhlabeni wonkhe.” (Fundza Tihlabelelo 83:18.) “UnguNkulunkulu Somandla,” lokusho kutsi unemandla ekwenta nobe ngabe yini lafuna kuyenta. “Wadala tonkhe tintfo”—indalo yonkhe nako konkhe lokuphilako emhlabeni. (Sembulo 4:8, 11) NguJehova kuphela lobekasolo akhona ngaphambi kwekutsi kudalwe tonkhe tintfo, futsi nguye kuphela utawuhlale akhona kuze kube phakadze.—Tihlabelelo 90:2.
-
-
Singamkhonta Njani Nkulunkulu Ngendlela Lemjabulisako?Jabulela Kuphila Kuze Kube Phakadze!—Incwadzi Letakusita Ulati Kahle LiBhayibheli
-
-
Kufanele sikhonte Jehova kuphela ngobe unguMdali wetfu. (Sembulo 4:11) Loku kusho kutsi kufanele simtsandze futsi sikhonte yena kuphela, ngaphandle kwekusebentisa tithico.—Fundza Isaya 42:8.
Kukhonta kwetfu kufanele kube ‘ngcwele futsi kwemukeleke’ kuJehova. (KubaseRoma 12:1) Loku kusho kutsi kufanele silalele imitsetfo yakhe. Sibonelo nje, labo labatsandza Jehova bayayitsandza futsi bayayilalela imitsetfo yakhe lemayelana nemshado. Baphindze bayibalekele imikhuba lelimatako, lenjengekusebentisa ligwayi kanye nekusebentisa kabi tidzakamiva nobe tjwala.a
-