‘Phila Ngekukholwa, Hhayi Ngekubona’
Ngaphambi kwekuhlaselwa kweJerusalema kanye nekubhujiswa kwayo, umphostoli Pawula wabhala kutsi emaKhristu kufanele alindzele kubhekana nebumatima futsi anganaki kakhulu imphilo lentofontofo ngobe angemasotja aKhristu. (2 Thim. 2:3, 4) Njengobe sekusedvute kutsi lelive lelingamhloniphi Nkulunkulu lehlelwe yinhlekelele, kufanele sihlale sinekukholwa lokucinile kute sigcile etintfweni letimayelana nekukhonta Nkulunkulu. (2 Khor. 4:18; 5:7) Bukela i-video letsi “Hamba Ngokholo, Hhayi Ngokubona.” (Ngena ku-jw.org, uchafate IZINCWADI> AMA-VIDEO.) Naka kutsi kutsandza umcebo kwaba lugibe ngayiphi indlela ku-Nahamu kanye na-Abhithali. Ngemuva kwaloko, phendvula nayi imibuto lelandzelako.
(1) Bekuyini ‘lentfo leyenyanyekako . . . lebeyime endzaweni lengcwele’ ngesikhatsi sebaphostoli, futsi yini emaKhristu aseJerusalema lobekudzingeka ayente ngekuphutfuma lokukhulu? (Mat. 24:15, 16) (2) Kute abaleke kulelidolobha, kungani bekudzingeka abe nekukholwa? (3) Ngukuphi kutidzela lobekudzingeka kute babaleke? (4) Yini leyabangela Nahamu kanye na-Abhithali kutsi bahudvule tinyawo? (Mat. 24:17, 18) (5) Kukholwa kwaRahali kwaphindze kwavivinyeka njani ngesikhatsi ashiya iJerusalema? (Mat. 10:34-37; Mak. 10:29, 30) (6) Ethani wasibeka njani sibonelo ngekwetsembela kuJehova kanye nekuba nekukholwa? (7) Ngubuphi bumatima emaKhristu lahlangabetana nabo ePhela? (8) Yini leyabangela kutsi kancane kancane kukholwa kwaNahamu kanye na-Abhithali kube butsakatsaka? (9) Jehova wawanakekela njani emaKhristu laya ePhela? (Mat. 6:33; 1 Thim. 6:6-8) (10) Njengobe sesisekupheleni kwalelive lelibi, singamlingisa njani Abrahama kanye naSara? (Heb. 11:8-10) (11) Yini leyenta boNahamu kanye na-Abhithali kutsi babuyele eJerusalema, futsi kungani kwaba liphutsa kwenta kanjalo? (Luk. 21:21) (12) Beyinjani imphilo eJerusalema ngesikhatsi boNahamu kanye na-Abhithali babuyela khona? (13) Kungani kufanele sicinise kukholwa kwetfu nyalo—kuphela kwalelive lelibi kusengakafiki?—Luk. 17:31, 32; 21:34-36.
Kuhamba ngekukholwa kusho (1) kwetsembela eticondzisweni letivela kuJehova, (2) kumvumela kutsi asicondzise ekuphileni kwetfu, kanye (3) nekukhombisa kutsi tintfo letiphatselene naNkulunkulu kitsi tibaluleke kakhulu kwendlula umcebo. Shengatsi singatimisela mbamba kuhamba ngekukholwa, siciniseka kutsi ‘lelive liyendlula kanye nesifiso salo, kodvwa loyo lowenta intsandvo yaNkulunkulu uhlala kuze kube phakadze.’—1 Joh. 2:17.