Labashadile Bangawucinisa Njani Umshado Wabo?

Bo-Abrahama naSara batibonelo letinhle tebantfu labashadene lebebatsandzana futsi bahloniphana. (Gen. 12:11-13; 1 Phet. 3:6) Nobe kunjalo, betikhona tinkinga emshadweni wabo, futsi kwadzingeka kutsi babeketelele timo letimatima ekuphileni kwabo. Labashadene bangafundzani esibonelweni sa-Abrahama naSara?

Khulumisanani. Phendvula ngekutfobeka nangabe loshade naye akukhulumise kabi nobe akhulume emagama lakutfukutselisako. (Gen. 16:5, 6) Hlelani kutsi nibe nesikhatsi ndzawonye. Cinisekisa loshade naye kutsi uyamtsandza, ngemavi nangetento. Ngetulu kwako konkhe, cinisani buhlobo benu naJehova ngekutsi nidadishe, nithantaze, futsi nikhonte Jehova ndzawonye. (Shu. 4:12) Imishado lecinile idvumisa Jehova, longuMsunguli walelilungiselelo lelibalulekile.

BUKELA I-VIDEO LETSI INDLELA YEKUCINISA UMSHADO WENU, BESE UPHENDVULA LEMIBUTO LELANDZELAKO:

• Kule-video, ngutiphi timphawu lebetikhomba kutsi Shaan naKiara besebakhweshelene kakhulu?

• Kungani kwetsembeka, nekukhulumisana kubaluleke kakhulu emshadweni?

• Sibonelo sa-Abrahama naSara sabasita njani boShaan naKiara?

• Ngutiphi tinyatselo boShaan naKiara labatitsatsa kute bacinise umshado wabo?

• Kungani indvodza nemfati kungakafaneli balindzele kutsi umshado wabo ubebete emaphutsa?