Batise Buhlobo Bakho NaJehova

BoFakazi BaJehova banelilungelo lelikhetsekile. Njengobe singemaKhristu latinikele nalabhajatisiwe, siyachubeka sakha buhlobo betfu neNkhosi LenguMbusi Jehova futsi sibukhulisa. Jehova usidvonsele kuye asebentisa iNdvodzana yakhe. (Joh 6:44) Uyayilalela imithantazo yetfu.—Hl 34:15.

Singabuvikela njani buhlobo betfu lobuligugu naNkulunkulu? Lokunye lesingakwenta kutsi sibalekele kwenta sono lebesentiwa ngema-Israyeli. Ngekushesha nje ngemuva kwekutsi ente sivumelwane sekuba nebuhlobo lobukhetsekile naJehova, enta litfole leligolide futsi ngaleyo ndlela ase acala kukhonta tithico. (Eks 32:7, 8; 1Ko 10:7, 11, 14) Singahle sitibute: ‘Ngenta njani nangilingwa kutsi ngente intfo lembi? Tento tami tiyakhombisa yini kutsi ngibutsatsa njengalobuligugu buhlobo bami naJehova?’ Indlela lesimtsandza ngayo Babe wetfu losezulwini itasisita sitibalekele tintfo latenyanyako.—Hl 97:10.

BUKELA I-VIDEO LETSI VIKELA BUHLOBO BAKHO NAJEHOVA (KHO 3:5), BESE UPHENDVULA LEMIBUTO LELANDZELAKO:

• Uyini umona?

• Kungani kufanele sikubalekele kuba bukhali nekukhonta tithico?

• Kuphinga nekukhonta tithico kuhlobene kanjani?

• Kungani kubalulekile ikakhulukati ngalabo labanemalungelo enhlangaweni Jehova kutsi banakekele tidzingo tebalingani babo?