Tikhombo Tencwajana Yekubhalela Emhlanganweni Wekuphila KwemaKhristu Nemsebenti Wawo
DECEMBER 7-13
UMCEBO LOSEVINI LANKULUNKULU | LEVITHIKHUSI 10-11
“Kutsandza Jehova Kakhulu Kwendlula Umndeni”
(Levithikhusi 10:1, 2) Ngemuva kwaloko, emadvodzana a-Aroni, boNadabi na-Abihu, batsatsa titja tabo tekufaka emalahle bafaka umlilo kanye nemphepho kuto. Bashisa imphepho ngemlilo longakavumeleki embikwaJehova, futsi Nkulunkulu bekangakabatjeli kutsi bayishise. 2 Ngako kwehla umlilo uvela kuJehova wababulala, bafela embikwaJehova.
it-1-E 1174
Lokungakavumeleki
Umlilo longakavumeleki nemphepho. KuLevithikhusi 10:1 ligama lesiHebheru lelitsi zar (lokusikati, za·rahʹ; nalihunyushwe njengobe linjalo litsi, lokungaketayeleki) lisetjentiswa nakukhulunywa ‘ngemlilo longakavumeleki, loyo [Nkulunkulu] bekangakabavumeli kutsi bawente’ kodvwa emadvodzana a-Aroni boNadabi na-Abihu banikela ngawo embikwaJehova futsi ngenca yaloko wababulala ngemlilo. (Lev 10:2; Num 3:4; 26:61) Umphumela waloko waba kutsi Jehova watsi ku-Aroni: “Wena nemadvodzana akho ningabolinatsa liwayini nobe letinye tinatfo letidzakanako nanita kulelithende lekuhlangana, kuze ningafi. Lona ngumtsetfo lotawuchubeka ulandzelwa ngito tonkhe titukulwane tenu. Loku kutawukwenta kutsi kube nemehluko emkhatsini wentfo lengcwele nalengasingcwele, nasemkhatsini wentfo lehlantekile nalengakahlanteki.” (Lev 10:8-11) Kubonakala shengatsi boNadabi na-Abihu bebadzakiwe, futsi loko kwabenta baba nesibindzi sekunikela ngalomlilo longakavumeleki. Kungenteka lomlilo bewungakavumeleki kutsi unikelwe ngaleso sikhatsi, kuleyondzawo kantsi nendlela lowanikelwa ngayo beyingemukeleki. Kungenteka nekutsi banikela ngemphepho esikhundleni sekunikela ngenhlanganisela yemakha lechazwe ku-Eksodusi 30:34, 35. Lokudzakwa kwabo akuzange kuvimbe sijeziso lebekufanele basitfole.
(Levithikhusi 10:4, 5) Mosi wabita Mishayeli na-Elisafani, labangemadvodzana a-Uziyeli, babe lomncane wa-Aroni. Watsi kubo: “Wotani nitewutsatsa naba bomnakenu lapha embikwendzawo lengcwele nibayise ngephandle kwalendzawo lokuhlalwa kuyo.” 5 Beta bawatsatsa lamadvodzana a-Aroni asegcoke tingubo tawo, bawayisa ngephandle kwendzawo lokuhlalwa kuyo, njengobe nje Mosi abebatjelile.
(Levithikhusi 10:6, 7) Mosi wabese utsi ku-Aroni nakulalamanye emadvodzana akhe, bo-Eliyezeri na-Ithamari: “Ningatiyekeli tinhloko tenu tihlale tingakanakwa, ningatidzabuli netingubo tenu kuze ningafi, naNkulunkulu angatewusitfukutselela sonkhe lesive. Sonkhe sive sema-Israyeli lesibanakenu sitawubalilela laba Jehova lababulele ngemlilo. 7 Nibohlala nisedvute nemnyango welithende lekuhlangana, ngaphandle kwaloko nitawufa, ngobe Jehova unigcobe ngemafutsa.” Ngako benta njengobe Mosi abatjelile.
Sewungenile Yini Ekuphumuleni KwaNkulunkulu?
16 Aroni, umnakaboMosi, wahlangabetana nebumatima ngesizatfu semadvodzana akhe lamabili. Asewucabange kutsi wativa njani ngesikhatsi emadvodzana akhe boNadabi kanye na-Abihu benta umnikelo wekushiswa lobewungasingcwele kuJehova futsi babulawa. Ecinisweni, loko kwacedza buhlobo lobusedvute lamadvodzana labebanabo nebatali babo. Ngetulu kwaloko, Jehova wayala Aroni kanye nemadvodzana akhe letsembekile: “Tinwele tenu ningatiyekeli tingemahlutse, kantsi netimphahla tenu akufuneki nitidzabule [ngesizatfu sekukhala]. Funa nitsi niyakwenta loko nife, nelulaka lwaNkulunkulu lwehlele sive sonkhe.” (Lev. 10:1-6) Loku kucacile: Lutsandvo lwetfu ngaJehova kufanele lube lukhulu kwendlula lolo lesinalo ngemalunga emndeni wetfu langaketsembeki.
Kufunisisa Umcebo EVini LaNkulunkulu
(Levithikhusi 10:8-11) Jehova wabese utsi ku-Aroni: 9 “Wena nemadvodzana akho ningabolinatsa liwayini nobe letinye tinatfo letidzakanako nanita kulelithende lekuhlangana, kuze ningafi. Lona ngumtsetfo lotawuchubeka ulandzelwa ngito tonkhe titukulwane tenu. 10 Loku kutawukwenta kutsi kube nemehluko emkhatsini wentfo lengcwele nalengasingcwele, nasemkhatsini wentfo lehlantekile nalengakahlanteki, 11 kuze nifundzise ema-Israyeli yonkhe lemitsetfo Jehova lawatjele yona asebentisa Mosi.”
Kufanele Sibe Ngcwele Kuko Konkhe Kutiphatsa Kwetfu
18 Kute sibe ngcwele, kufanele siyihlole ngekucophelela imiBhalo futsi sente loko Nkulunkulu lakufunako kitsi. Cabanga ngemadvodzana a-Aroni, boNadabi na-Abihu, lababulawa ngenca yekwenta umnikelo ‘ngemlilo lowawungasingcwele,’ lokungenteka kutsi bawenta badzakiwe. (Lev. 10:1, 2) Naka loko Nkulunkulu lakutjela Aroni. (Fundza Levithikhusi 10:8-11.) Lendzaba isho kutsi akukafaneli yini sinatse lokudzakanako ngaphambi kwekutsi siye emihlanganweni yebuKhristu? Cabanga ngaloku: Asikho ngephansi kweMtsetfo. (Rom. 10:4) Kulamanye emave, lamanye emaKhristu anatsa ngekulinganisela nakadla ngaphambi kwekutsi aye emihlanganweni. NgeliPhasika bekusetjentiswa tindzebe letine teliwayini. Nakasungula umkhosi weSikhumbuto, Jesu watsi baphostoli bakhe abanatse liwayini lebelimelela ingati yakhe. (Mat. 26:27) LiBhayibheli liyakulahla kunatsa kakhulu nekudzakwa. (1 Khor. 6:10; 1 Thim. 3:8) Nembeza wemaKhristu lamanyenti uyawavimbela kutsi anatse lokudzakanako ngaphambi kwekutsi ente nome ngumuphi umsebenti longcwele. Nobe kunjalo, timo tiyehlukahluka emaveni ngemave futsi lokubaluleke kakhulu kutsi emaKhristu ‘ente umehluko emkhatsini walokungcwele nalokungengcwele,’ kute atiphatse ngendlela lengcwele leyenta Nkulunkulu ajabule.
(Levithikhusi 11:8) Ningayidli inyama yaletilwane nobe nititsintse natifile, futsi titawuba nguletingcolile kini.
it-1-E 111 ¶5
Tilwane
Lomtsetfo wetilwane lebekungakafaneli tidliwe bewusebenta kuphela kubantfu lebebangephansi kweMtsetfo waMosi, ngobe emavi lakuLevithikhusi 11:8 atsi: “Titawuba nguletingcolile kini,” lokusho, ema-Israyeli. Ngenca yekungasasebenti kwaloMtsetfo lokwabangwa kufa kwaJesu lobekungumhlatjelo, lomtsetfo wabese uyancanyulwa, futsi bonkhe bantfu besebatawulandzela indlela Nowa latjelwa yona ngemuva kwaZamcolo.—Khol 2:13-17; Gen 9:3, 4.
Kufundvwa KweliBhayibheli
(Levithikhusi 10:1-15) Ngemuva kwaloko, emadvodzana a-Aroni, boNadabi na-Abihu, batsatsa titja tabo tekufaka emalahle bafaka umlilo kanye nemphepho kuto. Bashisa imphepho ngemlilo longakavumeleki embikwaJehova, futsi Nkulunkulu bekangakabatjeli kutsi bayishise. 2 Ngako kwehla umlilo uvela kuJehova wababulala, bafela embikwaJehova. 3 Mosi wase utsi ku-Aroni: “Naku Jehova lakushito: ‘Ngitawungcweliswa kulabo labasedvute nami, ngikhatinyuliswe embikwabo bonkhe bantfu.’” Aroni wathula. 4 Mosi wabita Mishayeli na-Elisafani, labangemadvodzana a-Uziyeli, babe lomncane wa-Aroni. Watsi kubo: “Wotani nitewutsatsa naba bomnakenu lapha embikwendzawo lengcwele nibayise ngephandle kwalendzawo lokuhlalwa kuyo.” 5 Beta bawatsatsa lamadvodzana a-Aroni asegcoke tingubo tawo, bawayisa ngephandle kwendzawo lokuhlalwa kuyo, njengobe nje Mosi abebatjelile. 6 Mosi wabese utsi ku-Aroni nakulalamanye emadvodzana akhe, bo-Eliyezeri na-Ithamari: “Ningatiyekeli tinhloko tenu tihlale tingakanakwa, ningatidzabuli netingubo tenu kuze ningafi, naNkulunkulu angatewusitfukutselela sonkhe lesive. Sonkhe sive sema-Israyeli lesibanakenu sitawubalilela laba Jehova lababulele ngemlilo. 6 Nibohlala nisedvute nemnyango welithende lekuhlangana, ngaphandle kwaloko nitawufa, ngobe Jehova unigcobe ngemafutsa.” Ngako benta njengobe Mosi abatjelile.8 Jehova wabese utsi ku-Aroni: 9 “Wena nemadvodzana akho ningabolinatsa liwayini nobe letinye tinatfo letidzakanako nanita kulelithende lekuhlangana, kuze ningafi. Lona ngumtsetfo lotawuchubeka ulandzelwa ngito tonkhe titukulwane tenu. 10 Loku kutawukwenta kutsi kube nemehluko emkhatsini wentfo lengcwele nalengasingcwele, nasemkhatsini wentfo lehlantekile nalengakahlanteki, 11 kuze nifundzise ema-Israyeli yonkhe lemitsetfo Jehova lawatjele yona asebentisa Mosi.” 12 Mosi wakhuluma na-Aroni nemadvodzana akhe labesele, bo-Eliyezeri na-Ithamari, watsi: “Eminikelweni leyentiwe ngemlilo kuJehova, tsatsani loko lokusele emnikelweni walokutinhlavu, nente ngako sinkhwa lesite imvubelo bese nisidlela edvute neli-al’thare, ngobe kungcwele ngelizinga leliphakeme. 13 Kufanele nikudlele endzaweni lengcwele, ngobe kusabelo sakho nesemadvodzana akho lesitsetfwe eminikelweni leyentiwa ngemlilo kuJehova. Nguloku-ke lengitjelwe kona. 14 Wena nemadvodzana nemadvodzakati akho kufanele niphindze nidle nemganga wemnikelo lojikitiswako kanye nemlente loyincenye lengcwele, futsi loku nikudlele endzaweni lehlantekile, ngobe kusabelo sakho nesemadvodzana akho lesitsetfwe emihlatjelweni yekuthula leletfwa ngema-Israyeli. 15 Nakuletfwa iminikelo yemanoni leyentiwa ngemlilo, kutawuletfwa nemlente loyincenye lengcwele kanye nemganga wemnikelo lojikitiswako kuze kujikitiswe embikwaJehova. Loku kutawuhlale kusabelo sakho nesemadvodzana akho njengobe nje Jehova ashito.”
DECEMBER 14-20
UMCEBO LOSEVINI LANKULUNKULU | LEVITHIKHUSI 12-13
“Loko Lesingakufundza Emitsetfweni Yesifo Sebulephelo”
(Levithikhusi 13:4, 5) Kodvwa nangabe lelibala lelisesikhumbeni salomuntfu limhlophe futsi lingakangeni ekhatsi enyameni, neboya lobukulo bungakashintji baba mhlophe, lomphristi utamsusa emkhatsini webantfu, ahlale yedvwa emalanga langu-7. 5 Umphristi utamhlolisisa ngelilanga lesi-7. Lesifo nasibonakala sesiphelile futsi singakandzi emtimbeni walomuntfu, lomphristi utamsusa emkhatsini webantfu, achubeke ahleli yedvwa lamanye emalanga langu-7.
Liphelelwe Sikhatsi Yini Nobe Lisembili?
• Kuhlaliswa kwebantfu labagulako bodvwana.
Umtsetfo waMosi bowutsi bantfu labanebulephelo bekufanele bahlaliswe bodvwa. Loku kwenteka kwaze kwaba ngesikhatsi seMbuso wemaRoma lapho bodokotela bafundza khona ngalesimiso, lesisasebenta nalamuhla.—Levithikhusi tehluko 13 na-14.
(Levithikhusi 13:45, 46) Tingubo talomuntfu lonalesifo sebulephelo kufanele tidzatjulwe, netinwele takhe atiyekele futsi ambonye emadzevu akhe bese uyamemeta utsi: ‘Ngingcolile, ngingcolile!’ 46 Lomuntfu utawuba ngulongcolile yingci nje nakasenalesifo. Njengobe angcolile, kufanele ahlale yedvwana. Utawuhlala endzaweni lengaphandle kwalapho kuhlalwa khona.
Bewati Yini?
EmaJuda asendvulo bekasesaba sifo sebulephelo lebesivamile ngetikhatsi tekubhalwa kweliBhayibheli. Lesifo lesenyanyekako besingamchwalisa umuntfu lebesimhlasele siphindze simente angabukeki kahle kantsi futsi besingelapheki. Bantfu labahlaselwe ngiso bekufanele bangahlali nalabanye bantfu baphindze becwayise labanye ngesimo labakuso.—Levithikhusi 13:45, 46.
(Levithikhusi 13:52) Umphristi kufanele ashise lengubo nobe imitiya yengubo leyentiwe ngeboya nobe ngelineni kanye nanobe yini leyentiwe ngesikhumba lenalesifo sebulephelo, ngobe lesifo sisuke sisibi. Leyontfo kufanele ishiswe ngemlilo.
(Levithikhusi 13:57) Kodvwa lesifo nasivela kulenye indzawo kulengubo nobe kulemitiya yayo nakunobe yini leyentiwe ngesikhumba, lesifo sisuke sesandza, futsi nobe yini lenalesifo kufanele ishiswe ngemlilo.
it-2-E 238 ¶3
Bulephelo
Etimphahleni nasetindlini. Bulephelo bebungangena ngisho nasetimphahleni letentiwe ngeboya, ngelineni nobe ngesikhumba. Lenkinga beyingaphela ngekuwashwa kwalemphahla, futsi bekuphindze kube nelilungiselelo lekuyivalela sikhatsi lesitsite. Kodvwa nangabe besekubonakala bulephelo lobunelibala lelimtfubi sakuba luhlata nobe libala lelibovana, leyomphahla bekufanele ishiswe. (Lev 13:47-59) Nangabe libala lelimtfubi sakuba luhlata nobe libala lelibovana livela elubondzeni lwendlu, umphristi bekufanele akhiphe umyalo wekutsi kungangenwa kuyo. Bekungahle kudzingeke kutsi kukhishwe lamatje lanebulephelo futsi lendlu bekufanele ihwaywe ngekhatsi bese kutsi lamatje naloludzaka loluhwayiwe kulahlwe ngephandle kwelidolobha, endzaweni lapho kulahlwa khona tintfo letingakahlanteki. Nangabe lobulephelo buphindze buvela, lendlu beyibese itsatfwa njengaleyo lengcolile futsi beyibese iyadzilitwa, bese letintfo lebeyakhiwe ngato tiyatsatfwa tiyolahlwa endzaweni lapho kulahlwa khona tintfo letingakahlanteki. Kodvwa nangabe kutfolakala kutsi lendlu ihlobile, bekubese kuba nemalungiselelo ekutsi ihlanjululwe. (Lev 14:33-57) Labanye basikisela kutsi bulephelo lobuba semphahleni nobe etindlini bebuluhlobo lolutsite lwematolo nobe lwekukhuntsa; nobe kunjalo, kute bufakazi lobucinile ngaloku.
Kufunisisa Umcebo EVini LaNkulunkulu
(Levithikhusi 12:2) “Naku lotakutjela ema-Israyeli: ‘Nangabe umfati akhulelwa bese ubeleka umntfwana wemfana, utawuba ngulongcolile emalanga langu-7 njengalapho asesikhatsini.
(Levithikhusi 12:5) “‘Nangabe abeleka umntfwana wentfombatane, utawuba ngulongcolile emalanga langu-14 njengalapho asesikhatsini. Emalangeni langu-66 lalandzelako, utawuchubeka atihlambulula ekopheni kwakhe.
w04-ZU 5/15 23 ¶2
Amaphuzu Avelele Encwadi KaLevitikusi
12:2, 5—Kungani ukuzala kwakwenza owesifazane abe “ongcolile”? Izitho zokuzala zazenzelwe ukudlulisela ukuphila komuntu okuphelele. Nokho, ngenxa yemiphumela yesono esiyifa, ukuphila okungaphelele nokunesono kwadlulela enzalweni. Izinkathi zesikhashana zokuba “ongcolile” ezazihlobene nokuzala kanye nezinye izindaba, njengokuya esikhathini nokushaywa izibuko, zazikhumbuza ama-Israyeli ngalesi sono esiyifa. (Levitikusi 15:16-24; IHubo 51:5; Roma 5:12) Iziqondiso zokuhlanzwa ezazidingeka zazizosiza ama-Israyeli ukuba abone isidingo somhlatshelo wesihlengo owawuzosibekela isono sesintu ubuyisele nokuphelela kwabantu. Ngakho, uMthetho waba “umfundisi [wawo] oholela kuKristu.”—Galathiya 3:24.
(Levithikhusi 12:3) Ngelilanga lesi-8, loluswane lutawusokwa.
Liphelelwe Sikhatsi Yini Nobe Lisembili?
• Sikhatsi Lesikahle Sekusoka.
Umtsetfo waNkulunkulu bewutsi umntfwana wemfana bekufanele asokwe ngemuva kwemalanga lasiphohlongo nje atelwe. (Levithikhusi 12:3) Ngalokuvamile, bantfwana labasandza kutalwa bavamise kusheshe baphole nabasokwe evikini labo lekucala nje batelwe. Ngetikhatsi teliBhayibheli, kusengakefiki tindlela letisezingeni lelisetulu tekwelapha, bekukuhlakanipha kuhlala liviki linye ngembikwekusoka umntfwana.
Kufundvwa KweliBhayibheli
(Levithikhusi 13:9-28) “Nangabe umuntfu aba nebulephelo, kufanele aletfwe kumphristi, 10 futsi lomphristi utamhlolisisa. Nakavuvuka futsi kumhlophe lapho avuvuke khona, neboya lobulapho sebugucuke baba mhlophe futsi sekunesilondza lesivulekile, 11 loko kusuke kubulephelo lobusolo bungapheli. Umphristi utawukusho kutsi lomuntfu ungcolile. Kufanele angamsusi emkhatsini walabanye bantfu ngobe ungcolile. 12 Nangabe lobulephelo bandza bugcwala kuwo wonkhe umtimba, kusuka enhloko kuya etinyaweni, konkhe lapho kubona khona umphristi, 13 futsi umphristi sekamhlolisisile, wabona kutsi lobulephelo sebugcwele kuso sonkhe sikhumba sakhe, utawubese uyasho kutsi lomuntfu uhlantekile. Sonkhe sikhumba sakhe sesigucuke saba mhlophe, ngako uhlantekile. 14 Kodvwa nakuvela silondza lesivulekile esikhumbeni sakhe, lomuntfu utawuba ngulongcolile. 15 Umphristi nakabona lesilondza lesivulekile, utawusho kutsi lomuntfu ungcolile Lesilondza singcolile, futsi lesi sifo sebulephelo. 16 Kodvwa nangabe lesilondza siphindze sigucuka siba mhlophe, lomuntfu kufanele ete kumphristi. 17 Umphristi utamhlolisisa, futsi nangabe lesilondza sesigucuke saba mhlophe, utawubese uyasho kutsi lomuntfu uhlantekile.18 “Nakwenteka umuntfu avelwa litfumba bese liyaphola, 19 kodvwa kuleyondzawo avuvuke futsi kube mhlophe nobe kuvele libala lelibovu sakuba mhlophe, lomuntfu kufanele aye kumphristi. 20 Umphristi utamhlolisisa, futsi nangabe loko lokuvelile kungene ekhatsi enyameni, neboya lobukuleyo ndzawo sebugucuke baba mhlophe, lomphristi utawukusho kutsi lomuntfu ungcolile. Lesi sifo sebulephelo lesivele lapho bekunelitfumba khona. 21 Kodvwa nangabe umphristi amhlolisisa futsi abona kutsi kute boya lobugucuke baba mhlophe, nekutsi loko lokuvelile akukangeni ekhatsi enyameni kantsi futsi sekuyaphela, lomphristi utamsusa emkhatsini webantfu, ahlale yedvwa emalanga langu-7. 22 Nangabe-ke kubonakala sekwandzile esikhumbeni salomuntfu, umphristi utawukusho kutsi lomuntfu ungcolile. Lesi sifo sebulephelo. 23 Kodvwa nangabe lelibala solo lisendzaweni yinye futsi lingakandzi, loko kumane kukuvuvuka kwalelitfumba, ngako umphristi utawukusho kutsi lomuntfu uhlantekile.24 “Nangabe umuntfu aba nesibati sekusha, bese kulesibati kuvela libala lelibovu sakuba mhlophe nobe kuvele libala lelimhlophe, 25 umphristi utalihlolisisa. Nangabe boya lobukulelibala sebugucuke baba mhlophe futsi lelibala libonakala lingene ekhatsi enyameni, loko kutawube kubulephelo lobuvele kulesibati. Umphristi utawusho kutsi lomuntfu ungcolile. Lesi sifo sebulephelo. 26 Kodvwa nangabe umphristi alihlolisisa abone kutsi kute boya lobugucuke baba mhlophe nekutsi lelibala alikangeni ekhatsi enyameni, kantsi futsi seliyaphela, utawubese uyamsusa emkhatsini webantfu, ahlale yedvwa emalanga langu-7. 27 Umphristi utamhlolisisa ngelilanga lesi-7. Nakubonakala kutsi lelibala selandzile emtimbeni, utawukusho kutsi lomuntfu ungcolile. Lesi sifo sebulephelo. 28 Kodvwa nangabe lelibala solo lisendzaweni yinye, lingandzi emtimbeni futsi seliphela, loko kusuke kukuvuvuka nje kwalesibati. Umphristi utawukusho kutsi lomuntfu uhlantekile ngobe bekumane kukuvuvuka kwesibati.
DECEMBER 21-27
UMCEBO LOSEVINI LANKULUNKULU | LEVITHIKHUSI 14-15
“Kukhonta Lokuhlantekile Kudzinga Kutsi Bantfu Bahlanteke”
(Levithikhusi 15:13-15) “‘Nangabe loku lebekuphuma esitfweni saloyo muntfu sekungasaphumi, naye asaphilile, utawulindza emalanga langu-7, ngemuva kwaloko awashe tingubo takhe, futsi ageze ngemanti lakhiwe esiyalwini, bese uba ngulohlantekile. 14 Ngelilanga lesi-8, kufanele atsatse ematuba lamabili nobe emazini lamabili emavukutfu aye nawo embikwaJehova emnyango welithende lekuhlangana, awanike umphristi. 15 Umphristi utawunikela ngawo, linye libe ngumnikelo wesono, lelelinye libe ngumnikelo wekushiswa, futsi loku utawukwenta embikwaJehova kuze lomuntfu abuyisane naNkulunkulu ngenca yaloko lebekuphuma esitfweni sakhe sangasense.
it-1-E 263
Kugeza
Kugeza lobekulisiko lebekudzingeka ema-Israyeli alwente ngenca yetizatfu letehlukahlukene. Noma ngabe ngubani lobekanebulephelo, nobe ngabe ngubani lotsintfwe ngumuntfu lonalokutsite ‘lokuphuma esitfweni’ sakhe, nangabe kuphume sidvodza kumuntfu lomdvuna, lomsikati ngemuva kwekuya esikhatsini nobe khopha kakhulu, nobe ngubani loya ecansini bekaba “ngulongcolile” futsi bekufanele ageze. (Lev 14:8, 9; 15:4-27) Umuntfu losethendeni lotsintsa sidvumbu bekaba “ngulongcolile” futsi bekufanele ageze ngemanti ekuhlambulula. Nangabe kuba khona longayilandzeli lemitsetfo bekufanele “abulawe ngobe ungcolise indzawo lengcwele yaJehova.” (Num 19:20) Kuyafaneleka-ke kutsi kugeza ngemcondvo lotsite kumelela kuhlanteka embikwaJehova. (Hl 26:6; 73:13; Isa 1:16; Hez 16:9) Kugeza ngelivi laJehova leliliciniso lokumelelwa ngemanti kunemandla ekuhlambulula umuntfu.—Ef 5:26.
(Levithikhusi 15:28-30) “‘Kodvwa nasekuphelile lokopha, lomuntfu labekopha kufanele alindze kuze kwendlule emalanga langu-7, ngemuva kwaloko utawuba ngulohlantekile. 29 Ngelilanga lesi-8, kufanele atsatse ematuba lamabili nobe emazini lamabili emavukutfu awaletse kumphristi emnyango welithende lekuhlangana. 30 Umphristi utawutsatsa lelelinye anikele ngalo libe ngumnikelo wesono, lelelinye libe ngumnikelo wekushiswa. Loku utawukwenta embikwaJehova kuze ente lomuntfu abuyisane naNkulunkulu ngenca yalokopha lobekumenta angcole.
it-2-E 372 ¶2
Kuya Esikhatsini
Umuntfu wesifazane bekatsatfwa njengaloyo longcolile nangabe opha nobe nangabe “opha sikhatsi lesidze kunalesivamile nakaye esikhatsini,” ngaleso sikhatsi nobe yini lalala kuyo nobe lahlala kuyo itawuba ngulengcolile. Nakacedza lokopha bekufanele abale emalanga langu-7 bese ngemuva kwaloko uba ngulohlantekile. Ngelilanga lesi-8, kufanele atsatse ematuba lamabili nobe emazini lamabili emavukutfu awaletse kumphristi, kuze amente abuyisane naNkulunkulu, aletse sinye saletilwane kuJehova njengemnikelo wesono, bese kutsi lelesinye siba ngumnikelo wekushiswa.—Lev 15:19-30; buka CLEAN, CLEANNESS.
(Levithikhusi 15:31) “‘Kufanele nisite ema-Israyeli kutsi ahlale ahlantekile, kuze angafeli ekungcoleni kwawo ngenca yekungcolisa lithende lami lekukhontela lelisemkhatsini wawo.
it-1-E 1133
Indzawo Lengcwele
2. Lithende lekuhlangana, futsi ngekuhamba kwesikhatsi kwaba lithempeli. Lonkhe lelilungiselelo, kufaka ekhatsi libala lelithende lekukhontela kanye nemabala elithempeli bekayindzawo lengcwele. (Eks 38:24; 2Tikhr 29:5; Imi 21:28) Tintfo letibalulekile lebetitfolakala emabaleni bekuli-al’thare lemhlatjelo kanye nendishi yelitfusi. Leti bekutintfo letingcwele. Bantfu lebebahlobile ngekwelisiko lebebangangena nome nini emabaleni elithende lekukhontela; ngalokufanako, kute umuntfu longcolile lobekangangena emabaleni elithempeli. Nasi sibonelo, umuntfu wesifazane lobekangcolile bekangeke atsintse nome yini lengcwele nobe aye endzaweni lengcwele. (Lev 12:2-4) Nangabe lesimo sekungcola sichubeka besitsatfwa ngekutsi lawo ma-Israyeli angcolisa lithende lekukhontela. (Lev 15:31) Labo lebebanebulephelo lebebaletsa iminikelo yekuhlanjululwa, bebema egedeni nabaletse imihlatjelo yabo. (Lev 14:11) Kute umuntfu longcolile lobekavumeleke kuba khona nakwentiwa umhlatjelo wekuthula ethendeni lekukhontela nobe ethempelini, futsi lowenta loko bekufanele abulawe.—Lev 7:20, 21.
Kufunisisa Umcebo EVini LaNkulunkulu
(Levithikhusi 14:14) “Umphristi utawubese utsatsa lenye yengati yalomnikelo welicala, ayibhoce encenyeni lengephansi yendlebe yangesekudla yalomuntfu lohlanjululwako, nasesitfupheni salomuntfu sangesekudla kanye nakubhozo wakhe wangesekudla.
(Levithikhusi 14:17) Lomphristi utawutsatsa lamanye alamafutsa lasele lasesandleni sakhe, awabhoce encenyeni lengephansi yendlebe yangesekudla yalomuntfu lohlanjululwako, nasesitfupheni salomuntfu sangesekudla kanye nakubhozo wakhe wangesekudla, etikwalapho kubhocwe khona ingati yemnikelo welicala
(Levithikhusi 14:25) Utawubulala lemvu lengumnikelo welicala, bese utsatsa lenye yengati yalomnikelo welicala ayibhoce encenyeni lengephansi yendlebe yangesekudla yalomuntfu lohlanjululwako, nasesitfupheni sangesekudla kanye nakubhozo walomuntfu wangesekudla.
(Levithikhusi 14:28) Lomphristi utawubese utsatsa lamanye alamafutsa lasesandleni sakhe, awabhoce encenyeni lengephansi yendlebe yangesekudla yalomuntfu lohlanjululwako, nasesitfupheni salomuntfu sangesekudla kanye nakubhozo wakhe wangesekudla, etikwalapho kubhocwe khona ingati yemnikelo welicala.
it-1-E 665 ¶5
Indlebe
Nakubekwa baphristi ka-Israyeli, Mosi wayalwa kutsi atsatse lenye yengati yalemvu lebeyihlatjiwe ayigcobise encenyeni lengephansi yendlebe ya-Aroni yangesekudla nakumadvodzana akhe, kanye nasesandleni sangesekudla naselunyaweni lwangesekudla, lobekukhombisa kutsi indlela lebekufanele balelele ngayo, basebente ngayo futsi bahambe ngayo, beyitakutsintsa ngalokucondzile loko bekwenteka kuleyondzawo. (Lev 8:22-24) Ngendlela lefanako, uMtsetfo bewutsi umuntfu lonebulephelo lohlanjululiwe, bekufanele agcotjiswe ngumphristi ngengati yemvu lendvuna lengumnikelo welicala, abhocwe nangalamanye alamafutsa lanikelwe, encenyeni lengephansi yendlebe yangesekudla yaloyomuntfu. (Lev 14:14, 17, 25, 28) Bekuphindze kwentiwe emalungiselelo lafanako lapho indvodza inesifiso sekuchubeka iba sigcili sikhatsi lesidze isebentela umphatsi wayo. Kuleso simo lesigcili bekufanele basimise ngasensikeni yemnyango, bese babhobosa indlebe yaso ngelusungulo. Loluphawu lolubalulekile lobelwentiwa endlebeni, beluveta sifiso salesigcili sekutsi sitawuchubeka sititfoba kumphatsi waso.—Eks 21:5, 6.
(Levithikhusi 14:43-45) “Kodvwa nangabe kuphindza kuba nelibala lebulephelo kulendlu ngemuva kwekutsi kukhishwe lamatje futsi lendlu yahwaywa yaphindze yahucwa, 44 umphristi utawungena ngekhatsi kuyo ayihlole. Nangabe lelibala lebulephelo selandzile kulendlu, lendlu isuke inesifo sebulephelo lesibi, ngako ingcolile.45 Utawubese ukhipha sicondziso sekutsi lendlu idzilitwe, kudzilitwe ematje ayo, tingodvo tayo, nalo lonkhe ludzaka lwayo. Konkhe loku kutawutsatfwa kuyewulahlwa ngephandle kwalapho kuhlalwa khona, endzaweni lapho kulahlwa khona tintfo letingakahlanteki.
g-ZU 1/06 14, libhokisi
Isikhunta—Singaba Usizo, Sibe Ingozi!
INGABE ISIKHUNTA SASIKHONA NGEZIKHATHI ZEBHAYIBHELI?
IBhayibheli likhuluma ‘ngesifo sochoko endlini ethile,’ okuwukuthi isifo esasisesakhiweni uqobo. (Levitikusi 14:34-48) Kucatshangwa ukuthi lesi sifo esimangalisayo, esasibizwa nangokuthi ‘uchoko olubulalayo,’ kwakuwuhlobo oluthile lomngcithi noma isikhunta, kodwa akukho okuqinisekile ngalokhu. Noma ngabe yikuphi, uMthetho kaNkulunkulu wawuyala abanikazi bezindlu ukuba bakhiphe amatshe analesi sifo, baphale lonke ingaphakathi lendlu, futhi balahle konke okunalesi sifo ngaphandle komuzi “endaweni engahlanzekile.” Uma lesi sifo sibuya futhi, yonke indlu kwakuthiwa ingcolile, ngakho yayidilizwa bese kulahlwa konke eyayakhiwe ngako. Iziqondiso zikaJehova eziningiliziwe zabonisa ukuthi wayebathanda ngokujulile abantu bakhe nenhlalakahle yabo.
Kufundvwa KweliBhayibheli
(Levithikhusi 14:1-18) Jehova wachubeka wakhuluma naMosi watsi: 2 “Lona ngumtsetfo lomayelana nemuntfu lonebulephelo lokufanele ulandzelwe ngelilanga latawuletfwa ngalo kumphristi kuze kushiwo kutsi uhlantekile. 3 Umphristi utawuya ngaphandle kwendzawo lokuhlalwa kuyo, ahlole lomuntfu. Nangabe lomuntfu asaphilile kulobulephelo, 4 umphristi utamtjela kutsi aletse tinyoni letimbili letihlantekile futsi letiphilako, aletse nesigodvo semsedari, indvwangu lebovu kanye nehisophu kuze atewuhlanjululwa. 5 Lomphristi utawukhipha sicondziso sekutsi yinye yaletinyoni ibulawelwe esitjeni selubumba lesinemanti lakhiwe esiyalwini. 6 Utawutsatsa lelenye inyoni lephilako kanye nalesigodvo semsedari, nalendvwangu lebovu nehisophu, akwenye kanye kanye kulengati yalenyoni lebulawelwe kulamanti lakhiwe esiyalwini. 7 Ngemuva kwaloko utamfafata ngayo kangu-7 lomuntfu lohlanjululwa esifeni sebulephelo, asho nekutsi uhlantekile. Utawubese ukhulula lenyoni lephilako, itindizele iye esigangeni. 8 “Lomuntfu lohlanjululwako kufanele awashe tingubo takhe, ahhule tonkhe tinwele futsi ageze ngemanti, ngemuva kwaloko utawuba ngulohlantekile. Nasacedzile, sekangeta endzaweni lokuhlalwa kuyo, kodvwa utawuhlala ngephandle kwelithende lakhe emalanga langu-7. 9 Ngelilanga lesi-7 kufanele ahhule tonkhe tinwele letisenhloko, ahhule nesilevu nemashiya akhe. Nasahhulile utawubese uwasha tingubo takhe aphindze ageze ngemanti, ngemuva kwaloko utawuba ngulohlantekile. 10 “Ngelilanga lesi-8, lomuntfu utawutsatsa timvu letimbili letindvuna letisetincane futsi letiphile kahle, atsatse nemvu lensikati lenemnyaka munye, nayo lephile kahle, nafulaha locolisakele logcwele esikoteleni lesingemalitha langaba ngu-7 futsi lobhicwe nemafutsa, lokutawuba ngumnikelo walokutinhlavu, kanye nemafutsa langetudlwana kwekota yelitha. 11 Umphristi lomhlambululile utawuletsa lomuntfu kanye naleminikelo embikwaJehova emnyango welithende lekuhlangana. 12 Lomphristi utawutsatsa yinye kuletimvu letindvuna, anikele ngayo ibe ngumnikelo welicala kanye nalamafutsa langetudlwana kwekota yelitha. Utakujikitisa kube ngumnikelo lojikitiswako embikwaJehova. 13 Utawutsatsa lelenye imvu ayihlabele endzaweni lengcwele, lapho kuhlale kuhlatjelwa khona umnikelo wesono kanye nemnikelo wekushiswa, ngobe lomnikelo welicala uba wemphristi njengobe kunjalo nangemnikelo wesono. Lomnikelo ungcwele ngelizinga leliphakeme. 14 “Umphristi utawubese utsatsa lenye yengati yalomnikelo welicala, ayibhoce encenyeni lengephansi yendlebe yangesekudla yalomuntfu lohlanjululwako, nasesitfupheni salomuntfu sangesekudla kanye nakubhozo wakhe wangesekudla. 15 Lomphristi utawutsatsa lamanye alamafutsa langetudlwana kwekota yelitha, awatsele esandleni sakhe sangesencele. 16 Utawubese wenya umunwe wakhe wangesekudla kulamafutsa lasesandleni sakhe sangesencele futsi antfontsise lamanye alamafutsa ngemuno tikhatsi letingu-7 embikwaJehova. 17 Lomphristi utawutsatsa lamanye alamafutsa lasele lasesandleni sakhe, awabhoce encenyeni lengephansi yendlebe yangesekudla yalomuntfu lohlanjululwako, nasesitfupheni salomuntfu sangesekudla kanye nakubhozo wakhe wangesekudla, etikwalapho kubhocwe khona ingati yemnikelo welicala. 18 Lomphristi utawubese utsatsa lamafutsa lasele lasesandleni sakhe awabhoce enhloko yalomuntfu lohlanjululwako, futsi loku utawukwenta embikwaJehova kuze lomuntfu abuyisane naNkulunkulu.
DECEMBER 28–JANUARY 3
UMCEBO LOSEVINI LANKULUNKULU | LEVITHIKHUSI 16-17
“Loko Lesingakufundza Mayelana NeLilanga Lekubuyisana”
(Levithikhusi 16:12) “Utawubese utsatsa sitja sekufaka emalahle lesigcwele emalahle lavutsako latsetfwe e-al’thare lelisembikwaJehova, atsatse nemphepho lengagcwala tandla totimbili leneliphunga lelimnandzi futsi lecolisakele, angene nako ngale kwendvwangu.
Tifundvo Lesingatifundza Encwadzini YaLevithikhusi
4 Fundza Levithikhusi 16:12, 13. Cabanga ngaloko lobekwenteka ngeLilanga Lekubuyisana: Umphristi lophakeme bekangena ethendeni lekukhontela. Ngalelolanga, bekufanele angene katsatfu eNgcwelengcwele. Esandleni sinye bekaphatsa sitja lebesigcwele imphepho lenuka kamnandzi, kulesinye sandla bekaphatsa sitja semlilo lesakhiwe ngeligolide lebesigcwele emalahle lavutsako. Bekafike eme embikwendvwangu lebeyisekungeneni eNgcwelengcwele. Ngenhlonipho lenkhulu, lomphristi bekangena eNgcwelengcwele bese uma embikwelibhokisi lesivumelwane. Ngalomunye umcondvo, lomphristi bekufana nekutsi ume embikwaJehova Nkulunkulu! Ngekucophelela, lomphristi bekabese utsela lemphepho lengcwele kulamalahle lavutsako, futsi lendzawo beyibese inukelela kamnandzi. Ngemuva kwesikhatsi, bekaphindze abuye eNgcwelengcwele nengati yemhlatjelo wetilwane. Naka kutsi lomphristi bekashisa imphepho ngaphambi kwekutsi anikele ngengati yemhlatjelo wesono.
(Levithikhusi 16:13) Lemphepho utayifaka emlilweni embikwaJehova, futsi intfutfu lesuka kuyo itawugcwala ngetulu kwesimbonyo saleLibhokisi leBufakazi, kuze angafi.
Tifundvo Lesingatifundza Encwadzini YaLevithikhusi
5 Yini lesingayifundza ekusetjentisweni kwemphepho ngeLilanga Lekubuyisana? LiBhayibheli liveta kutsi imithantazo leyemukelekako yetikhonti taJehova ifana nemphepho. (Hla. 141:2; Semb. 5:8) Khumbula kutsi ngenhlonipho lenkhulu, umphristi lomkhulu bekaletsa imphepho embikwaJehova. Ngendlela lefanako, nasithantaza kuJehova sithantaza ngenhlonipho lejulile. Sijabula kakhulu kutsi uMdali wendzawo yonkhe uyasivumela kutsi sisondzele kuye, njengemntfwana asosendzelana nababe wakhe. (Jak. 4:8) Jehova usemukela njengebangani bakhe! (Hla. 25:14) Silijabulela kakhulu lelilungelo kangangekutsi asifuni kwenta nobe yini lengamdvumata.
(Levithikhusi 16:14, 15) “Utawutsatsa lenye yalengati yalenkunzi ayintfontsisele ngemunwe wakhe embikwalesimbonyo ngasemphumalanga, lenye ayintfontsisele ngemunwe wakhe embikwalesimbonyo tikhatsi letingu-7. 15 “Ngemuva kwaloko utawuhlaba lembuti lengumnikelo wesono salabantfu, bese ungena nengati yayo ngale kwalendvwangu, ayintfontsisele ngakulesimbonyo nasembikwaso, njengobe entile ngalengati yenkunzi.
Tifundvo Lesingatifundza Encwadzini YaLevithikhusi
6 Khumbula kutsi umphristi lophakeme bekufanele ashise imphepho ngaphambi kwekutsi anikele ngemhlatjelo. Nakenta njalo, bekaciniseka kutsi Nkulunkulu utamemukela nakanikela ngalemihlatjelo. Yini lesiyifundzako kuloku? Ngesikhatsi Jesu alamhlabeni, bekufanele ente intfo lebeyibaluleke kakhulu kwendlula kusindzisa bantfu—ngaphambi kwekutsi anikele ngekuphila kwakhe njengemhlatjelo. Yini lebekufanele ayente? Bekufanele alalele Jehova ngekwetsembeka kuphila kwakhe konkhe ngesikhatsi alapha emhlabeni. Ngaleyondlela, Jesu bekatawube akhombisa kutsi kukahle kakhulu kwenta tintfo ngendlela yaJehova. Jesu bekatabungcwelisa futsi abumelele kahle bukhosi baBabe wakhe nobe indlela yakhe yekubusa.
Kufunisisa Umcebo EVini LaNkulunkulu
(Leviticus 16:10) Kodvwa lembuti leyehlukaniswe ngenkatho kutsi itfwale tono kufanele iletfwe embikwaJehova iphila kuze kuyo kwentiwe kutsi bantfu babuyisane naNkulunkulu, bese iyahanjiswa iya ehlane.
it-1-E 226 ¶3
Azazeli
Njengobe umphostoli Pawula achaza, umnikelo wemtimba lophelele waJesu lowaba ngumhlatjelo wetono tebantfu, wafeza lokungetulu kwaloko lobekufezwa yingati “yetinkunzi neyetimbuti.” (Heb 10:4, 11, 12) Wetfwala tono tebantfu, “wetfwala kugula kwetfu,” futsi “wahlatjwa ngenca yetono tetfu.” (Isa 53:4, 5; Mat 8:17; 1Ph 2:24) Wetfwala tono tabo bonkhe labanekukholwa enanini lemhlatjelo wakhe. Wakhombisa lilungiselelo laNkulunkulu lekususa tono ngalokuphelele kubantfu. Ngaletindlela lesetikhonjisiwe, imbuti “ya-Azazeli” beyimelela umhlatjelo waJesu Khristu.
(Levithikhusi 17:10, 11) “‘Nangabe um-Israyeli nobe umuntfu wekuhamba lohlala emkhatsini wenu adla ingati, loyo muntfu ngitawumelana naye futsi ngitambulala ngimsuse kubantfu bakubo. 11 Ngobe kuphila kusengatini, futsi mine ngininike yona kuze isetjentiswe e-al’thare, kwentiwe kutsi nibuyisane nami, ngobe ingati ngiyo leyenta kutsi nibuyisane nami ngenca yekuphila lokukuyo.
Kungani Kufanele Sibe Ngcwele?
10 Fundza Levithikhusi 17:10. Jehova wayala ema-Israyeli kutsi angayidli “ingati.” EmaKhristu nawo alindzeleke kutsi ayibalekele ingati—kungaba yesilwane nobe yemuntfu. (Imis. 15:28, 29) Asifisi nakancane kutsi Nkulunkulu ‘amelane natsi’ futsi asicoshe ebandleni lakhe. Siyamtsandza futsi sifuna kumlalela. Ngisho nobe sibhekene nesimo lesibeka kuphila kwetfu engotini, sitimisele kutsi singancotjwa kulalela bantfu labangamati Jehova nalabangenandzaba nekumlalela. Siyati kutsi sitawuhlekwa bulima ngenca yekungayisebentisi ingati, kodvwa sikhetsa kulalela Nkulunkulu. (Juda 17, 18) Ngusiphi simo sengcondvo lesingasicinisa kute sihlale ‘sicaphele’ kutsi singayidli ingati nobe sivume kumpontjelwa yona?—Dut. 12:23.
Kufundvwa KweliBhayibheli
(Levithikhusi 16:1-17) Jehova wakhuluma naMosi ngemuva kwekufa kwemadvodzana a-Aroni lamabili. Lamadvodzana ngulawo lafa ngesikhatsi eta embikwaJehova. 2 Jehova watsi kuMosi: “Tjela Aroni umnakenu kutsi akukafaneli angene nobe kunini ngale kwendvwangu, eNgcwelengcwele, nasembikwesimbonyo seLibhokisi, kuze angafi ngobe mine ngitawubonakala efini etikwalesimbonyo. 3 “Naku lokufanele Aroni ete nako naketa endzaweni lengcwele: inkunzana letawuba ngumnikelo wesono kanye nemvu lendvuna letawuba ngumnikelo wekushiswa. 4 Kufanele agcoke ingubo lengcwele yelineni, afake nesikhindi selineni kuze afihle bungcunu bakhe. Utawubopha neseshi yelineni elukhalo, afake nemshuculo welineni enhloko. Leti tembatfo letingcwele, ngako kufanele ageze ngemanti bese uyatigcoka. 5 “Kuma-Israyeli, kufanele atsatse timbuti letindvuna letimbili letisetincane letitawuba ngumnikelo wesono kanye nemvu lendvuna letawuba ngumnikelo wekushiswa. 6 “Aroni utawubese uletsa lenkunzi letawuba ngumnikelo wakhe wesono, futsi utawukwenta kutsi yena nendlu yakhe babuyisane naNkulunkulu. 7 “Ngemuva kwaloko utawutsatsa letimbuti letimbili atimise embikwaJehova emnyango welithende lekuhlangana. 8 Aroni utawehlukanisa letimbuti letimbili ngenkatho, yinye ibe yaJehova, lelenye ibe yekutfwala tono. 9 Aroni utawuletsa lembuti leyehlukaniswe ngenkatho kutsi ibe yaJehova, ente ngayo umnikelo wesono. 10 Kodvwa lembuti leyehlukaniswe ngenkatho kutsi itfwale tono kufanele iletfwe embikwaJehova iphila kuze kuyo kwentiwe kutsi bantfu babuyisane naNkulunkulu, bese iyahanjiswa iya ehlane 11 “Aroni utawuletsa lenkunzi lengumnikelo wakhe wesono, futsi ente kutsi yena nendlu yakhe babuyisane naNkulunkulu. Ngemuva kwaloko utayihlaba, ibe ngumnikelo wakhe wesono. 12 “Utawubese utsatsa sitja sekufaka emalahle lesigcwele emalahle lavutsako latsetfwe e-al’thare lelisembikwaJehova, atsatse nemphepho lengagcwala tandla totimbili leneliphunga lelimnandzi futsi lecolisakele, angene nako ngale kwendvwangu. 13 Lemphepho utayifaka emlilweni embikwaJehova, futsi intfutfu lesuka kuyo itawugcwala ngetulu kwesimbonyo saleLibhokisi leBufakazi, kuze angafi. 14 “Utawutsatsa lenye yalengati yalenkunzi ayintfontsisele ngemunwe wakhe embikwalesimbonyo ngasemphumalanga, lenye ayintfontsisele ngemunwe wakhe embikwalesimbonyo tikhatsi letingu-7. 15 “Ngemuva kwaloko utawuhlaba lembuti lengumnikelo wesono salabantfu, bese ungena nengati yayo ngale kwalendvwangu, ayintfontsisele ngakulesimbonyo nasembikwaso, njengobe entile ngalengati yenkunzi. 16 “Kufanele ahlambulule lendzawo lengcwele ngenca yekungcola lokwentiwa ngema-Israyeli nangenca yetiphambeko netono tawo. Nguloko lokufanele akwentele lelithende lekuhlangana lelisemkhatsini wema-Israyeli lenta tintfo letingcolile 17 “Kute lomunye umuntfu lokufanele abe kulelithende lekuhlangana kusukela ngalesikhatsi Aroni angena kulo kutewukwenta iminikelo yekubuyisana naNkulunkulu endzaweni lengcwele, kuze kube ngulapho aphuma. Aroni utawukwenta kutsi yena nendlu yakhe, kanye nawo onkhe ema-Israyeli babuyisane naNkulunkulu.