Tfobeka

Simiso: “Ngekutfobeka nitsatse labanye njengalabakhulu kunani.”—Fil. 2:3.

Lokwentiwa NguPawula

Aboshelwe kugadzi, ngenhlonipho umphostoli Pawula ukhuluma neNkhosi Agripha, uMhlonishwa Festusi, kanye naBhenise.

I-VIDEO: Pawula Ushumayela INkhosi Agripha

1. Bukela le-VIDEO, nobe ufundze Imisebenti 26:2, 3, bese uphendvula lemibuto lelandzelako:

Pawula wakukhombisa njani kutfobeka ngendlela lakhuluma ngayo neNkhosi Agripha?
Pawula wakhombisa njani kutsi loko lakufundzisako kuvela kuJehova nasemiBhalweni, hhayi kuye?—Buka Imisebenti 26:22.

Yini Lesiyifundzako KuPawula?

2. Umlayeto wetfu uvakala kahle nangabe sikhuluma ngekutfobeka nangenhlonipho.

Lingisa Pawula

3. Khuluma ngenhlonipho. Gwema kutiveta shengatsi wati konkhe futsi lolomunye umuntfu yena akati lutfo. Khuluma naye ngenhlonipho.

4. Kwente kucace kutsi loko lokufundzisako kuseBhayibhelini. LiVi laNkulunkulu lingayitsintsa indlela labanye bantfu labacabanga ngayo nalabativa ngayo. Nangabe silisebentisa kahle, sisuke sibasita kutsi bakholelwe eBhayibhelini hhayi kuloko lesikushoko.

5. Bani nemoya lophansi. Ungetami kukhombisa lomuntfu kutsi loko lokushoko kungiko futsi lokwakhe akusiko. Asifuni kuphikisana nebantfu, kunaloko kufanele sikhombise kutfobeka ngekutsi singasheshi sicansuke futsi sati nasekufanele sihambe. (Taga 17:14; Thit. 3:2) Nangabe unemoya lophansi, kungenteka lomuntfu awulalele umlayeto wetfu esikhatsini lesitako.

PHINDZE UBUKE

Rom. 12:16-18; 1 Khor. 8:1; 2 Khor. 3:5