Bema Bangisita

Bob bekahamba ngesivinini lesingaba ngu-100 kilometers ngeli-awa futsi bekumakhata kakhulu ngalelolanga e-Alberta, eCanada. Kungakalindzeleki, lisontfo langesencele lemoto yakhe labhama. Ekucaleni, Bob bekangaboni kutsi kwentekeni futsi wachubeka wahamba emakhilomitha langu-5, aya ekhaya lakhe.

Encwadzini layibhalela Lihholwa LeMbuso laBoFakazi BaJehova, Bob wachaza lokwabese kuyenteka. Watsi: “Emajaha lasihlanu lebekasemotweni lehamba eceleni kwemoto yami avula lifasitolo futsi angimisa. Angitjela kutsi lisontfo lemoto yami libhamile. Acela kungisita silishintje. Bengingati nekutsi nginalo yini lelinye lisontfo nobe jeke. Njengobe ngihleti ku-wheelchair yami eceleni kwemgwaco, lamajaha abuka ngephansi kwemoto futsi atfola lelisontfo nalojeke, angishintjela lelisontfo. Ngalelolanga, belishubisa umnkantja futsi kunelichwa. Bebagcokele kuyoshumayela, kodvwa bangisita balungisa imoto yami futsi ngaba yindlela. Bengingeke ngikhone kukwenta loku ngingedvwana.

“Ngibonga kakhulu kulamajaha lasihlanu laboFakazi langisita. Nawema angisita, bewasendleleni ayoshumayela. Lamajaha ayakwenta loko lakushumayelako! Angisita kakhulu engotini lengacishe ngaba kuyo futsi ngikwatisa kakhulu loko. Ngubani nje lobekati kutsi kutawube kunemajaha lafana netingilosi ngalelolanga kulomgwaco lomkhulu?”