Tindlela Tekudadisha

Uyatsandza yini kufundza ngalokwenteke ekuphileni kwebazalwane betfu nabodzadze?

Labanye labashadene labafundza umlandvo wekuphila webazalwane nabodzadze njalo ekuseni batsi: “Letihloko tiyasikhutsata futsi kuyasijabulisa kutifundza! Tiyasikhumbuta kutsi natsi singahlala setsembekile ngisho singabhekana nani.” Lomunye dzadze lotiva ngendlela lefanako wabhala watsi: “Letindzaba tebazalwane nabodzadze tiyasidvudvuta, tisikhutsate futsi titsintsa inhlitiyo. Kuphila kwebazalwane betfu nabodzadze kunenjongo. Tindzaba tabo tingikhutsata kutsi ngente lokunyenti emsebentini waJehova, futsi tingisita kutsi ngikhutsate bantfwana bami kutsi bangenele umsebenti wasikhatsi sonkhe.”

Imilandvo yekuphila yebazalwane betfu nabodzadze isikhutsata kutsi sifune kwenta lokunyenti emsebentini waJehova, sifune kuncoba butsakatsaka betfu futsi sibeketelele tinkinga letimatima sibe sijabulile futsi setsembekile. Ungatitfola njani letindzaba?

• Buka luchungechunge lwetihloko lolutsi “Life Stories of Jehovah’s Witnesses” ku jw.org nobe ku-JW Library®.

• Buka tihloko letitsi “Life Stories of Jehovah’s Witnesses” ku-Watchtower ONLINE LIBRARY^™ nobe ku-Watchtower Library, letfolakala ngesiNgisi.