UMBUTO 1
Ungubani Nkulunkulu?
“Shengatsi bantfu bangati kutsi libito lakho nguJehova, Nekutsi nguwe wedvwa Losetikwako Konkhe emhlabeni wonkhe.”
“Yatini kutsi Jehova unguNkulunkulu. Nguye lowasidala futsi tsine sibakhe.”
“Mine nginguJehova. Lelo libito lami; kute lengitamniketa inkhatimulo yami, futsi ludvumo lwami angeke ngilunikete tithico letibatiwe.”
“Wonkhe umuntfu lobita libito laJehova utawusindziswa.”
“Ecinisweni, nguleyo naleyondlu inemakhi wayo, kodvwa loyo lowakhe tonkhe tintfo nguNkulunkulu.”
“Phakamiselani emehlo enu ezulwini nibone. Ngubani lodale letintfo? NguLoyo lokhipha libutfo lato atibale ngayinye ngayinye; tonkhe utibita ngemagama. Ngenca yebukhulu bemandla akhe nangenca yemandla akhe lamangalisako, kute ngisho nayinye lesalako.”