Kuhlanganisa Inkholo Yeliciniso Neyemanga
Bonkhe bantfu labatsi bayakholwa bakhonta Nkulunkulu munye yini?
LiBhayibheli litsi Jehova wemukela tonkhe yini tinkholo, ngisho nobe tifundzisa tintfo letingafani?
Mat 7:13, 14; Joh 17:3; Efe 4:4-6
Tindzaba letiseBhayibhelini letingakusita:
Jos 24:15—Joshuwa utsi kufanele sikhetse kutsi sitawukhonta Jehova yini nobe labanye bonkulunkulu
1Ks 18:19-40—Jehova usebentisa umphrofethi Elija kuze akhombise kutsi tikhonti taNkulunkulu weliciniso akukafaneli tikhonte labanye bonkulunkulu, njengaBhali
Jehova utiva njani ngabonkulunkulu betive kanye nekubakhonta nganobe nguyiphi indlela?
Jehova utiva njani nangabe bantfu batsi bakhonta yena kodvwa bafake nemikhuba layenyanyako endleleni labamkhonta ngayo?
Isa 1:13-15; 1Kt 10:20-22; 2Kt 6:14, 15, 17
Tindzaba letiseBhayibhelini letingakusita:
Eks 32:1-10—Acindzetelwe ngema-Israyeli, Aroni wenta sithico selitfole futsi usisebentisa kuze bentele “Jehova umkhosi,” ngaleyondlela bamtfukutselisa kakhulu
1Ks 12:26-30—Kuze iNkhosi Jerobowamu ivimbe labantfu kutsi bangayi ethempelini leliseJerusalema, isebentisa tithico letitawumelela Jehova, lokwenta labantfu kutsi bone
Yini Jehova layitjela ema-Israyeli mayelana nekuhlanganyela nalabanye nabakhonta bonkulunkulu?
Yini Jehova layenta ngesikhatsi bantfu bakhe bakhonta labanye bonkulunkulu?
Tik 10:6, 7; Hl 106:35-40; Jer 44:2, 3
Tindzaba letiseBhayibhelini letingakusita:
1Ks 11:1-9—INkhosi Solomoni icindzetelwa bafati bayo bakuletinye tive, itfukutselisa Jehova ngekukhutsata kukhontwa kwalabanye bonkulunkulu
Hl 78:40, 41, 55-62—Asafa uchaza indlela kuvukela kwema-Israyeli kanye nekukhonta kwawo tithico lokwamvisa ngayo buhlungu Jehova futsi kwamenta wabalahla bantfu bakhe
Jesu bekatisekela yini timfundziso tenkholo letingahambisani neliVi laNkulunkulu?
Tindzaba letiseBhayibhelini letingakusita:
Mat 16:6, 12—Jesu ufananisa timfundziso tebaFarasi netebaSadusi nemvubelo ngobe tandza ngekushesha futsi tingcolise emaciniso lahlantekile lafundziswa eVini laNkulunkulu
Mat 23:5-7, 23-33—Jesu uyakulahla kutentisa kwetati temtsetfo nebaFarisi kanye netimfundziso tabo letimbi
Mak 7:5-9—Jesu weneka tati temtsetfo nebaFarisi ngenca yekuhlonipha kakhulu emasiko ebantfu kunekuhlonipha timfundziso teliVi laNkulunkulu
Jesu wakhutsata balandzeli bakhe kutsi bakhe emacembu lamanyenti enkholo lehlukahlukene yini?
Tindzaba letiseBhayibhelini letingakusita:
Joh 15:4, 5—Jesu usebentisa sihlahla semagilebisi kuze afananise bunye balandzeli bakhe lokufanele bahlale banabo naye kanye nebazalwane bawo nabodzadze
Joh 17:1, 6, 11, 20-23—Ngebusuku bekugcina anebaphostoli bakhe, Jesu uthantazela bonkhe balandzeli bakhe beliciniso kutsi babe nebunye
Emabandla lehlukahlukene ngesikhatsi semaKhristu ekucala bekakholelwa tintfo letifanako yini futsi bewakhonta Jehova ngendlela lefanako yini?
Tindzaba letiseBhayibhelini letingakusita:
Imi 11:20-23, 25, 26—Emabandla ase-Antiyokhi naseJerusalema akhombisa kutsi anebunye futsi ayabambisana
Rom 15:25, 26; 2Kt 8:1-7—Emabandla lehlukahlukene ngesikhatsi semaKhristu ekucala ayasitana, lokukhombisa kutsi emabandla ahlanganiswe lutsandvo kuze abe nebunye
Nkulunkulu uwemukela onkhe yini emakholwa latsi ayakholwa kuKhristu?
Kuyemukeleka yini kukholwa kwalabo labangatilaleli timfundziso taKhristu netebaphostoli?
Tindzaba letiseBhayibhelini letingakusita:
Mat 13:24-30, 36-43—Jesu ufananisa emaKhristu emanga nelukhula, futsi utsi kutawuvela emaKhristu emanga lamanyenti lokutawuphela sikhatsi lesitsite alawula libandla
1Jh 2:18, 19—Umphostoli Johane losakhulile uveta kutsi baphikikhristu labanyenti bese bavele bakhona eminyakeni lengaba ngu-100 ngemuva kwekutalwa kwaJesu