Lungiselela Inhlitiyo Yakho

Nasidadisha liBhayibheli, sifuna kutsi imicabango yaJehova itsintse tinhlitiyo tetfu nobe umuntfu lesinguye ngekhatsi. Ezra wasibekela sibonelo lesihle kuloku ngesikhatsi ‘alungisa inhlitiyo yakhe kute atadishe uMtsetfo waJehova.’ (Ezra 7:10) Singatilungiselela njani tinhlitiyo tetfu?

Thantaza. Ngaphambi kwekutsi ucale kudadisha, thantaza. Cela Jehova akusite kutsi ukucondze loku lokufundzako futsi ukusebentise.​—Hla. 119:18, 34.

Tfobeka. Nkulunkulu uyabafihlela liciniso labo labatigcabhako labacabanga kutsi abaludzingi lusito lwakhe kuze bacondze liBhayibheli. (Luk. 10:21) Asifuni kudadisha kuze nje sikhombise labanye kutsi sati kanganani. Tfobeka ushintje indlela locabanga ngayo nangabe ingahambisani nendlela Nkulunkulu lacabanga ngayo.

Lalela ingoma yeMbuso. Umculo unemandla ekutsintsa tinhlitiyo tetfu, usente silungele kukhonta Nkulunkulu. Kulalela ingoma yeMbuso ngaphambi kwekutsi ucale kudadisha kutakusita kutsi ulungise inhlitiyo yakho.