Nkulunkulu UnguMtsatfu Amunye Yini?

Lokushiwo liBhayibheli

Tinkholo letinyenti tebuKhristu tifundzisa kutsi Nkulunkulu unguMtsatfu Amunye. Noma kunjalo, naka naku lokushiwo yi-Encyclopædia Britannica nayitsi: “Ligama lelitsi Mtsatfu Amunye noma imfundziso yalo, ayiveli eThestamenteni lelisha . . . Ngetulu kwekungavumelani, lemfundziso yakhula kancane kancane njengobe sikhatsi sasichubeka.”

Ecinisweni, Nkulunkulu lokukhulunywa ngaye eBhayibhelini akachazwa njengaMtsatfu Amunye. Naka nawa emevesi eliBhayibheli:

“[Jehova] Nkulunkulu wetfu nguye yedvwana longu[Jehova].”—Dutheronomi 6:4.

“Nguwe wedvwa lolibito lakhe lingu[Jehova], nguwe Losetikwako Konkhe, lophakeme abuse umhlaba wonkhe.”—Tihlabelelo 83:18.

“Kukwati wena lokuphela kwaNkulunkulu weliciniso naloyo lowamtfuma, lokunguJesu Khristu, kuholela ekuphileni lokuphakadze.”—Johane 17:3.

“Nkulunkulu munye.”—Galathiya 3:20.

Yini lebangela kutsi tinkholo tebuKhristu titsi Nkulunkulu unguMtsatfu Amunye?