Kungani Ningasisebentisi Siphambano Nanikhonta Nkulunkulu?

Bantfu labanyenti batsatsa siphambano njengentfo lemelela buKhristu. Ngisho nobe BoFakazi BaJehova bamaKhristu, abasisebentisi siphambano nabakhonta Nkulunkulu. Leni?

Lesinye sizatfu kutsi liBhayibheli litsi Jesu wafela elugodvweni, hhayi esiphambanweni. Ngetulu kwaloko, liBhayibheli lecwayisa emaKhristu kutsi ‘akubalekele kukhonta tithico,’ lokusho kutsi akukafanele sisebentise siphambano nasikhonta Nkulunkulu.—⁠1 KubaseKhorinte 10:14; 1 Johane 5:21.

Lokubaluleke kakhulu kutsi naJesu watsi: “Nangabe nitsandzana, bonkhe batawukwati kutsi nibafundzi bami.” (Johane 13:34, 35) Ngaloku, Jesu bekaveta kutsi lutsandvo lwekutidzela lebelutawukhombisa balendzeli bakhe sibili, hhayi siphambano nobe letinye tithico.