Je, Ni Sawa kwa Mkristo Kutumia Mbinu za Kupanga Uzazi?

Jibu la Biblia

Yesu hakuwaamuru wafuasi wake wapate au wasipate watoto. Wala hakuna yeyote kati ya wanafunzi wake aliyetoa mwongozo kama huo. Hakuna andiko lolote katika Biblia linalopinga moja kwa moja kupanga uzazi. Katika jambo hilo, kanuni inayotumika ni ya Waroma 14:12: “Kila mmoja wetu atatoa hesabu kwa Mungu kwa ajili yake mwenyewe.”

Hivyo, wenzi wa ndoa wana uhuru wa kujiamulia ikiwa watapata watoto au la. Pia, wanaweza kuamua watakuwa na watoto wangapi na wakati ambao watapata watoto hao. Mume na mke wakiamua kutumia mbinu ya kupanga uzazi ambayo haihusishi kutoa mimba, huo ni uamuzi na daraka lao wenyewe. Hakuna mtu anayepaswa kuwahukumu.—Waroma 14:4, 10-13.