-
Kuendelea Kuwa na Dhamiri Njema“Jitunzeni Katika Upendo wa Mungu”
-
-
7. Kwa nini wakati mwingine dhamiri inaweza kutuongoza vibaya?
7 Hata hivyo, wakati mwingine dhamiri inaweza kutuongoza vibaya. Kwa nini? Dira ikiwekwa karibu na sumaku, mshale wake unaweza kuonyesha upande usiofaa badala ya kuonyesha upande wa kaskazini. Na isipotumiwa na ramani iliyo sahihi, haiwezi kusaidia sana. Vivyo hivyo, tukiongozwa tu na tamaa za ubinafsi za moyo wetu, dhamiri yetu inaweza kutuelekeza upande usiofaa. Na ikitumiwa bila mwongozo hakika wa Neno la Mungu, huenda tusiweze kutofautisha mema na mabaya katika mambo mengi ya maana. Kwa hakika, ili dhamiri yetu ifanye kazi vizuri, tunahitaji mwongozo wa roho takatifu ya Yehova. Paulo aliandika hivi: “Dhamiri yangu inanitolea ushahidi katika roho takatifu.” (Waroma 9:1) Hata hivyo, ni kwa njia gani tunaweza kuhakikisha kwamba dhamiri yetu inapatana na roho takatifu ya Yehova? Tunaweza kufanya hivyo kwa kuizoeza.
-
-
Kuendelea Kuwa na Dhamiri Njema“Jitunzeni Katika Upendo wa Mungu”
-
-
b Biblia inaonyesha kwamba mtu hapaswi kutosheka kwa sababu tu dhamiri yake haimsumbui. Kwa mfano, Paulo alisema: “Sifahamu kitu chochote dhidi yangu mwenyewe. Lakini kwa hilo sionyeshwi kuwa mwadilifu, bali yeye anayenichunguza ni Yehova.” (1 Wakorintho 4:4) Hata wale wanaowatesa Wakristo, kama Paulo alivyofanya wakati fulani, wanaweza kufanya hivyo bila kusumbuliwa na dhamiri kwa sababu wanafikiri kwamba Mungu anakubali matendo yao. Ni muhimu dhamiri yetu isitusumbue kwa njia yoyote na pia iwe safi machoni pa Mungu.—Matendo 23:1; 2 Timotheo 1:3.
-