Madaktari bado hawana tiba ya kidingapopo, lakini mara nyingi ugonjwa huo unaweza kutibiwa nyumbani kwa kupumzika na kunywa vinywaji vingi.

Inasikitisha kwamba dawa za kutibu magonjwa yanayosababishwa na viini, au bakteria (antibiotics) haziwezi kutibu ugonjwa wa kidingapopo kwa sababu unasababishwa na virusi wala si bakteria. Ni jambo la hekima pia mgonjwa aepuke dawa za kupunguza maumivu kama vile aspirini na ibuprofen kwa sababu zinaweza kuongeza hatari ya kuanza kuvuja damu. Kuna aina nne za virusi vinavyoambukiza ugonjwa wa kidingapopo, na inawezekana kuambukizwa ugonjwa huo zaidi ya mara moja.

Ukipatwa na kidingapopo, pumzika vizuri na unywe vinywaji vingi. Pia, lala ndani ya neti ya mbu kadiri inavyowezekana ili uzuie mbu wasikuume na kuwaambukiza wengine ugonjwa huo.