4:10-15

Musa alishinda woga wake kwa msaada wa Yehova. Tunaweza kujifunza nini kutokana na jinsi Yehova alivyoshughulika na Musa?

• Tunapaswa kuepuka kukazia fikira kupita kiasi mambo ambayo hatuwezi kutimiza

• Tunaweza kuwa na uhakika kwamba Yehova atatupatia kile tunachohitaji ili kutimiza migawo yetu

• Imani katika Mungu ndiyo dawa ya kuwaogopa wanadamu

Mwanzoni Musa alikuwa na shaka kuhusu uwezo wake wa kutimiza mgawo ambao Yehova alikuwa amempa. (Kut 4:10, 13) Je, umewahi kuhisi hivyo? Je, unajifunza Biblia na Mashahidi wa Yehova? Je, wewe hujiuliza ikiwa siku moja utaweza kuhubiri nyumba kwa nyumba? Au labda wewe ni kijana ambaye anasitasita kuhubiri shuleni. Au labda unaogopa kuhubiri kupitia simu au kushiriki katika utumishi fulani wa hadharani. Mwombe Yehova akupe roho yake takatifu. (1Pe 4:11) Uwe na uhakika kwamba anaweza kukusaidia utimize mgawo wowote anaokupa.​—Kut 4:11, 12.