Zaɓur

3 Tria uaminifu waho ha Jehovah, tsena fanya i ndjema ; eshi shivandreju mwa tsi alafu dji vinge na utuĩvu wa kweli. 4 Para furaha ɓole yaho ha Jehovah, na waye atso hu takaɓalia piya zi nyandzo za roho yaho. 10 Harimwa muda mushashi tsena, u watru wa peu kawatso ka tsena ; utso ngalia vahanu wa ka, ɓasi kawatso ka vavo. 11 Ɓe wawo wa dji vingao watiti watso kana i shivandre ya tsi, tsena watso jiviwa halisi na uwengi wa usalama. 28 Mana Jehovah u vendza i haki, tsena katso lisha warumwa watuĩvu wahe. Watso hifadhwiwa daima ; ɓe wawo watso dzalwao na watru wa peu watso angamidziwa. 29 U watru wa haki watso kana i shivandre ya tsi na uju mwayo watso eshi daimani aɓada. 34 Mu tame Jehovah amoesa sika i ndzia yahe, na waye atso hu midza ile u pare i shivandre ya tsi. Utso ona makati u wapeu watso tolwao. 37 Ngalia mutru na utuĩvu wa tsimu, tsena kadza matso yaho ju la mutru wa haki, mana i meso ya mutru uwo itso ka ya usalama. 38 Ɓe piya wawo wa kufuruo watso harikishiwa ; u watru wa peu kawatso kana maesha ya meso.