Kunti Wakwasia Lupua Lwenu Lwaluke Ni Nsaansa

Yehova atonene lupua lwenu luye lwali ni nsaansa. (Malum 127:3-5; Kas 9:9; 11:9) Anzia evio, kwema ni kuluviiwa na bantu ba mu lupua lwetu, kunti byalengia nsaansa yeetu yazeeza. Kila muntu kunti wakita ki eevi akwasie kuleeta nsaansa mu lupua?

Mulume ali wamukindika mukazi wakue. (1Pet 3:7) Ali wapisia musita pamo nakue. Teezi kuya wakebele mukazi wakue akite bintu bipitile buviinde bwakue, kabili ali wamutasia mukazi juu ya beelia byali wamukitila weene pamo ni bantu ba mu lupua lwakue. (Bakol 3:15 ) Mulume ali wamulangilila ntono mukazi wakue ni kumutasia.​—Tus Maf 31:28, 31.

Mukazi ali wakeba bintu bya kukita eevi amukwasie mulume wakue. (Tus Maf 31:12) Ali waikoosia ku mulume wakue kabili ali wabomba pamo nakue. (Bakol 3:18) Mukazi ali wamulanzia buino mulume wakue ni kulanda bintu biweeme palwakue.​—Tus Maf 31:26.

Baviazi, bali bapisia musita pamo ni baana babo. (Mal Miz 6:6, 7) Bali babalanda baana babo nangue babatonene. (Mat 3:17) Pa kubalapizia baana babo, baviazi bali balangilila nangue bali ni ntono ni maano ateekameene.​—Baef 6:4.

Baana bali banakila ni kubakindika baviazi babo. (Tus Maf 23:22) Bali bababuila baviazi babo bintu bibali batontonkania ni vibeyunvuile. Bali baitabila kulapiziiwa na baviazi babo, kabili bali babakindika.​—Tus Maf 19:20.

MONE VIIDEO ILANDILE LEETA NSAANSA MU LUPUA LWENU. KISIA, ASUKE KIIPUZIIYO KILI PAAPA PENSINA:

• Kila muntu waakitile ki eevi aleete nsaansa mu lupua?