Iibiikile Mipaango Palua Milungu ya mu Kipindi kya Kibukisio

Kila muaka, bantu bakue Yehova bali baikala bapembeleele kukita Kibukisio lwa pamo. Mu milungu ya ntaanzi ni kisia Kibukisio, tuli twabombia nzila ibeleele eevi kumulumbania ni kumutasia Yehova palua bupe bwa kilubula mulandu bwaatupeele. (Baef 1:3, 7) Kwa mufuano, tuli twakita maka kukupa bantu beze ku Kibukisio. Bamo pakati keetu, bali bapaanga ntantiko yabo eevi mu Muezi wa Butatu ao wa Buna babombe bali nga bapainia bali bakwasia. Mu ezio miezi, kunti babomba nsaa 30 ao 50. Eba, ni weewe, kunti watona ukabe kupisia musita wingi mu miilo ya kusimikila mu kipindi kya Kibukisio? Ni kiki kili kukukwasia uviinde kukita evio?

Lingi, kunti twafikilizia buino mupaango, kine twapaangila mbeela bintu. (Tus Maf 21:5) Paantu kipindi kya Kibukisio kyakila kupalama, onu i musita wa kutendeka kwiteania. Tontonkania palua bintu biuli kuviinda kukita mu miilo ya kusimikila mu kipindi kya Kibukisio, ni kupingula bintu biupalile kukita eevi kufikilizia mipaango yobe. Kisia, muloombe Yehova apaale kwikwinda kobe.​—1Yoan 5:14, 15.

Watontokania, ni bintu ki paleepale biuli kukita eevi ukite bingi mu miilo ya kusimikila mu milungu ya mu kipindi kya Kibukisio?