Kupata Kiswapilo mu Mwaka wa 2024​—Bibilia ili Yalandapo Syani?

Bantu bengi bali mukutontonkania nangue, te kuli kintu ata kimo kyakaba kupwisia maavia akaba kukumia kyalo mu mwaka wa 2024. Anzia evio, kunti twapata kiswapilo palua musita uli mukwiza. Ale tuli kukipata pi?

Bibilia ili yaleta kiswapilo

Bibilia ilaile nangue, Leeza wakaba kupwisia maavia ali mukulengia bwikazi bwetu te kunti buye bwali na kiswapilo lonu. Evi sie lenu, Leeza wakaba kukuusa mensozi onse kufuma mu menso [etu], ni lufu telukabako kabili, kabili tekukaba malilo, aosie kulila ao misa tebikabako kabili.​—Nfyulo 21:4.

• Evi usambilile bingi palua bulayo buli mu Bibilia palua musita uli mukwiza, soma lyasi lilandile, “Tumaini Bora la Wakati Ujao.”

Bibilia kunti yakukwasia syani lonu?

Bibilia ili yaleta kiswapilo palua musita uli mukwiza kelia kili kuvinda kukukwasia kulwisia aali ya kutyoka mutima ni kwaluka ni mawazo aweme sana palua musita uli mukwiza. (Baroma 15:13) Masoke a Bibilia ali abomba, kunti akukwasia kabili kulwisia maavia auli mukusaakaana nao lonu, nga evelia, bupabi, kukitilua bila nsambu ni malwele.

• Mona kiswapilo kili mu Bibilia vikyaamukwasiizie mwalalume umo kupata mutende ni nsansa ata sie kine waakulile wali mupabi. Mona video yakue Juan Pablo Zermeño: Yehova Alinipatia Maisha Yenye Kuwa na Maana.

• Sambilila namuna Bibilia viili kuvinda kukukwasia ulwisie aali ya kwiunvua kuya wali ni kilubo, bulanda, kwema, ni kufwilua na muntu uutonene. Soma lyasi lilandile, “Je, Ninaweza Kupata Faraja Katika Biblia?”

• Mona mwanakazi umo waali soda elondolwele nangue waali “kafinzi kabili muntu asiizi kwemenana,” vyaapatile kiswapilo kupitila kusambilila Bibilia. Mona video ilandile, Niliweka Bunduki Yangu Chini.

Lengia 2024 uye wali mwaka uweme kuli wewe pamo ni lupua lobe. Mana bingi palua namuna Bibilia viili kuvinda kukukwasia. Ezia kusambilila Bibilia pamo ni fwefue bila kulipa. Sambilila namuna Leeza vyali kuvinda kukupeela malanga a mutende lonu ni musita uli waiza ni kiswapilo.​—Yeremia 29:11.