Ikwinde Kuvumbula Bintu bya Lenu Luuli Mukusambilila

Musita utuli twaiteania evi tutendeke kusambilila, kunti twaiipuzia evi: ‘Nkebele kusambilila ki?’ Inzi, tupalile kwilabukila evi kelia kitukebele kusambilila te kunti kilengie twandue kupoza mano ku bintu binge bitonene kutusambilizia Yehova. Kunti twatwilizia syani belia bikebele kutusambilizia Yehova?

Mulombe akupeele mulangue. Mulombe Yehova akukwasie kwinika kelia kyatonene kukusambilizia lonu. (Yak. 1:5) Te kupobela sie ku bintu byumanine.—Tus Maf. 3:5, 6.

Lekela maka a Mulandu Wakue Leeza abombe muli wewe. “Mulandu wakue Leeza uli ni bukose.” (Baeb. 4:12, NWT) Pa kako, lyonse kine twasoma Bibilia, kunti yatusambilizia kintu kimo kya lenu ni kutukwasia mu nzila ipusene-puseene mu bwikazi bwetu. Inzi, kekio kunti kyakitika sie kine twainika nangue tupalile kumana belia bili mukutusambilizia Leeza.

Uye wasantila palua kyakulia kyonse kili ku meza yakue Yehova. Kyakulia kyakue kya kimupasi kili nga “feti ya byakulia biweme sana.” (Is. 25:6) Te kuya walezia kusoma maasi ange, alia aumwene nangue te aweme kusambilila. Kine tewizi kulezia, wakaba kumulengia Yehova akabe kukwalula muntu akilile kuwama, kabili wakaba kuya watona kusambilila kakiine!