¡Mujé a omero bitea sinibí kanílika echoná Wichimóbachi!
Jepuná oserúami ju kiti mi kuʼírima machiria jepuká niwali echi Wichimóbachi alí suwaba namuti japi ikí nirú jenaʼí. Mujé ayénachó mi a binema japi Onorúami ju japi niwali echi Wichimóbachi alí echi ko a olá riwalá. Jenaʼí ayénachó ta a ruyeba chusiá niwali Onorúami echi rejoy alí chiriká mi oméroma bitea sinibí kanílika jenaʼí Wichimóbachi.
A ta mayé japi echi wiká iyóktami mi a kuʼírima aʼlá ineria jepuná namútiri. Kiti mi né aʼlá wabé machimea, ami leérisaré echi texto bíblico japi uchúi echoná mulipi ayé japoná iyóktami. Alí mi echi riká né binói mi oméroma leeria jaré namuti aʼlabéala japi Onorúami nijima ru japi aní echoná Bíbliachi alí japi Onorúami aní mi isísaré mujé kiti mi narema japi echi nijímaré.
Mujé ayénachó mi ami nénala nilímalé jepuná oselí kiti mi kuʼírima jarecho pagótami. A olásaká kúchitiwami a omérosaré néea jepuná oselí kiti mi nikúuroma bineria Onorúami kitra. Mujé ami bitélisaká biléana rikáachi japoná nirú wiká pagótami japi ke tasi machíami ju leeria ami omérosaré néea echi iyóktami kiti mi kuʼírima echi pagótami machiria namuti japi Onorúami isímaré, kiti echi ayénachó a oméroma kuʼiria jarecho pagótami.
Né bichíwali ta a mayé kiti mi a kuʼíroma jepuná oserúami kiti mi a narema wiká namuti kalabé alí ayénachó kiti binéripa jarecho pagótami churiká pirélipa sinibí jenaʼí Wichimóbachi.