Chúriká néeliwa jepuná oselí

Jepuná oselí ko niwárami nili kiti mi kuʼírima binea echi Biblia. ¿Chúriká mi néesaré? Ami nakiyáaká jériká mi isíisaré: Né bachá ko ami riwimea jaré náriwami echoná binelíwachi. Ibili náriwami niraa ami riwimea números mulipi cheka kiti mi machimea chu iyiri párrafo mi riwimea echi japi mi náriliru. Bachá leeri suwaba echi náriwami alí nátaka isí. Pe aʼlínala ko leeri suwaba echi párrafos alí aa echi textos mujé níali Bíbliachi. Japalí mi ma suwénisa bilé binelíwami, checho ku leeri echi náriwami alí néwalaká isí japi echi Biblia bineri jepuná kitra. Ma suwénisa binea echi oselí, checho ku leeri suwaba echi náriwami.