¿Jépuká ju Jesús?

Jeobá ko júali Jesús jenaʼí Wichimóbachi (1 Juan 4:9)

Japalí kecho niwayé Adán, Jeobá ko niwali bilé ángel we jiwérami echoná ripá rewegachi. Jeobá ayénachó nakí japi ta kipupa jepuná ángel.

Pe aminana ko, Onorúami júali jenaʼí Wichimóbachi kiti ranarúami nima bilé tewé kitra, María rewéami, echoná Belén anelíachi. Jepuná ta muchi rewarairu Jesús (Juan 6:38).

Japalí jenaʼí biteili, Jesús ko néwariwélitili japi isíiami nili japi riká Jeobá. Echi ko we simá aníami nili, we nakíami. Kiti bela echi pagótami ko mulíwinalami nili Jesús. Ayénachó ke majaka binérili echi pagótami Onorúami kitra.

Jesús we aʼlá isíiami nili, we be nalí kichírami nili ba (1 Pedro 2:21-24)

Jesús ayénachó saʼweli echi nayúami alí ku jawásili echi suwíkami.

Jesús ko néwariwélitili echi pagótami japi echi Onorúami nuláala binériami ke bichíwali binérili alí japi risoa olayé echi pagótami, kiti bela echi Onorúami nuláala binériami we kichili Jesús.

Echi Onorúami nuláala binériami aneli echi romanos japi wipisoma Jesús alí miʼama.