¿Ami isíimiré japi Jeobá nakí?

Matétarabá kiti mi binelampa jepuná oselí kiti mi che aminabi machimea, piri ta noká alí chúriká ta nocha. Ata mayé japi jepuná oselí mi kuʼírili machiyá japi pe tamujé bi ju japi ta noká japi Jeobá nakí. Binesi bi Onorúami kitra. Ruyé japi mi ma machí echi Biblia kitra mujé amigowala ayénachó japi mi yúa bité alí simí napawíliwachi (Hebreos 10:23-25).

We mi binésaká Jeobá kitra, ami newanílima japi Jeobá we mi nakí alí echi riká we mi nakinálima (1 Juan 4:8-10, 19). Alí biché, ¿chúriká mi néwariwélitisaré japi mi we nakí Onorúami? ¿Chúsiá aʼlá ju nijewa echi Onorúami nuláala? Ami nijéwinalaká Jeobá japi riká tamujé, ¿ami machí chúriká? Echi japi mi bineri echi Biblia mi kuʼírima kiti mi machimea japi mi náriwa, “mapurigá Riosi echijiti galá omérama ʼyemi mi waminabi galée” ayénachó mujé alí mujé téemala, “mapurigata sinibí piréami níibota” (Judas 21).