¿Acha mi bichíwiami ju Jeobá japi pama echi namuti pe aminánami?

Josué alí Salomón machili japi aní Jeobá né suwaba echi riká isimí japi aní binói (Jos 23:14; 1Re 8:56). Na okuá testigos raʼíchili japi Jeobá aní ne suwaba echi riká isili, tamujé achó né bichíwali bichíwipo japi aní Jeobá jiti echi ko né echi riká isima japi aní. (2Co 13:1; Tit 1:2, TNM).

¿Chuti riká machí japi Jeobá echi riká isili japalí Josué biteeli? Inesi echi película japi ikili chabé japi ma wiká bamíali simírili, jéaníami: Ni una sola palabra ha fallado. Aní japi mi náriporé jenaʼí: 1) ¿Piri ni isima jiti ni bichíwiami nima japi riká Rahab? (Heb 11:31; Snt 2:24-26). 2) Japalí chati isili Acán, ¿piri ikiméalé japi kanili chati namuti nokiyá? 3) ¿Chúsiá echi gabaonitas ikaleka raʼíchili Josué japi ke nakoma echi Israel yúa echoná pueblo piréami we che nayúrami nílikobá? 4) ¿Piri anili Jeobá japi chu ikimea echi amorreos japi malí isélikami nili japi nakónili echi Israelitas yúa? (Jos 10:5-14). 5) Jiti mi bachá isíampá japi Jeobá mi nulé, ¿piri mi ko nareli japi Jeobá mi chiliweli? (Mt 6:33).

Natá japi isili Jeobá chabé, piri isimí jipi alí chu isima Jeobá pe aminánami atí natásaká japi isili Jeobá ata bichíwipo japi Jeobá anili (Ro 8:31, 32).