Kúchuwami, iʼwera nokisí bineria echi kuuchi Jeobá jitra

Echi testigo japi kúchuwami ju we kanílisa nili jiti echi kuuchi ochérisa Jeobá bi nijéwami nima. A binérisaká echi kuuchi japi aní Jeobá echi riká a nokimea jiti kuuchi ka bineli japi we natéami namuti aní echi Biblia tasi cho ku wikawama japi Jeobá nulá (Dt 6:7; Pr 22:6). ¿Ami omeri bineria mujé kúchuwala? Kechi mi a jilí ni, ami iweria isísaká bineria Jeobá jitra, we mi kanílima jiti mi we aʼlá binérili kuuchi kaachi (3Jn 4).

Echi japi kúchuwami ju a nokisáaká cho japi riká nokali José alí María jiti binérili Jeobá jitra echi kuuchi. Japi riká nokali José alí María templo yuria echi kúchuwala “sinibí bamíbali Binói ʼwénawala simíbali echoʼná Jerusalémachi mapalí omáwalachi sébachi níili mapalí echi jaré Juríosi omáwaga koʼyali echi jaré kúuchi boʼwá”. Tákoré we miká nili alí suwaali winomí iwera a nokali simiba sinibí bamíali niraa (Lu 2:41). Jiti we natéami nirali simáwami echomí templo binesia Jeobá jitra echi riká nokali José alí María. Japi ma kúchuwami ju ayénachó we natéami nirásaré binériwami echi kuuchi Jeobá jitra. Echi riká ti mi nokisáaká echi kuuchi né echi riká cho nokimea japi riká tamí noká emi (Sl 127:3-5).

MA INESA ECHI VIDEO SINIBÍ BINÉRISI EMI KÚCHUWALA JEOBÁ JITRA. ANISÍ JAPI TI MI NÁRIPORÉ JENAʼÍ:

• Japalí kuuchi nili Jon alí Sharon Schiller kúchuwala, ¿chu nokali jiti binérima Jeobá jitra?

• ¿Chúsiá mi aʼlá raʼámisaré mujé kúchuwala chúkuré ke chopi achu kepa?

• ¿Piri mi isima jipi jiti mujé kúchuwala anáchika nokimea Jeobá nijewia?

• Japi ikí nirú herramientas japi olá echi testigo Jeobá, ¿chumi iyiri mi nee bineria mujé kúchuwala?