Japi né bichiwali nijéwami ju ko we nakíami ju: Ketasi mayé mapu binói né bachá walubela ju alí ke cho sapú iyóami ju

CHÚSIÁ WE NATÉAMI JU. Jesús ko anili japi a bichíwali nijéwami ju ko nakimea anakupi niraa (Jn 13:34, 35). Né echi riká cho nokiboa japi riká isili Jesús: natásaré japi piri ka newalea alí ke sapú iyóami nísaré (1Co 13:5).

CHÚRIKÁ NOKIBOA

• Japi riká bilé mi anesa namuti echi riká mi aneka mi we iyórisa, bachá nata chúsiá echi nilia iyoa, ayénachó natá chu mi isimá we mi iyósaká (Pr 19:11).

• Newalá japi sinéami cha riká raʼicha isini kaachi; ayénachó noká japi ke aʼlá ju echi riká ta anisaa ko risoa ti nili je ti aní chúsiá ni echi riká aneli.

• A tami naʼawa pirélisaká, sapú ku akaréwisi okuaka echi yúa japi mi cha aneli.

INEPO ECHI VIDEO JÉANÍAMI: SIMÁ ANÍAMI NIBA JARECHO YÚA: ÉCHIKO KETASI MAYÉ MAPU BINÓI NÉ BACHÁ WALUBELA JU KETASI CHO YÓAMI JU, ANÍ JAPI MI NÁRIPORÉ JENAʼÍ:

• ¿Chu isili Daniel japalí Tomás yúa raʼíchili?

• ¿Piri isili Tomás jiti ke iyoma?

• Jiti Tomás ke iyoka raʼíchili, ¿chúriká raʼíchili jarecho hermanos?