Iʼwérika isí jiti mi “ne suwaba galabé olama”

Echi carta japi Pablo oseeli Tito, anili japi echi kúruwi japi kulí ochériami ju, japi riká Tito, ne iwera nokisare “ne suwaba galabé” olayá (Tit 2:6, 7). Echoná cho a capítulo anili japi Onorúami pueblo ke chati nokáami nirúlima jiti a omérima “galabé” olayá kanílika nochia (Tit 2:14, TNM). Jaré namuti japi “galabé olama” echi ko ju japi binérima echi pagótami alí simama nawesasia japi isima Onorúami. Towí alí tiwé ma, natá achi mi omérima precursor niya (Pr 20:29).

Ami ma precursor nínala ko, osoká iné acha mi omérima precursor niya (Lu 14:28-30). ¿Ami binoy omérima natetia japi mi newalema japalí mi precursor nisa? ¿Chumi isima bachá jiti mi a sibárima horas? Jeobá mi iʼwírima, echi yúa raʼichá jiti mi a omérima (Sl 37:5). Raʼichá mujé wénwala yúa, ayénachó echi precursores japi ma wiká bamibi precursor ka. Ma mi echi riká isisa ko, malami isísima ba japi mi isímaré. Jeobá mi iʼwírima jiti mi a omérima, jiti mi iʼwera isimí nóchilia japi echi mi nulé.

INEPO ECHI VIDEO KÚRUWI ALÍ IWÉ JAPI KANILI NÓCHILIA JEOBÁ, ANÍ JAPI MI NÁRIPORÉ JENAʼÍ:

• ¿Piri nokali jaré hermanos jiti oméroma precursores ka?

• ¿Piri ka nokisare echi wénwala jiti kuʼírima echi kúchuwala jiti precursores regulares nima?

• ¿Chúsiá we natéami ju japi mi olama horario japalí mi simí nawisasia?

• ¿Piri ka nokisare echi hermanos echoná congregación jiti jiwérali iyama alí kuʼírima echi precursores?

• ¿Piri namuti kalabé naré echi precursores?