CHUTI RIKÁ NOKIBOA JAPI RIKÁ CRISTO

Japalí mi galabé oláami ju, iʼwiri japi jarecho binénilima Jeobá jitra

A aʼlá isíami nísaká echi mukí japi testigo Jeobá ju, echi rijówala a binénilima echi Biblia. A wiká bamíali simírimirí japi echi kunala ke nakíwima japi echi upila binema echi Biblia (1Pe 2:21-23; 3:1, 2). Risoa mi olárami nísaká, ke riwé japi echi chati oluwáwami ʼyemi mi suwaba waminá omérama (Ro 12:21). A mi aʼlá isísaká jarecho machimea japi mi aʼlá isimí.

Natá japi chu nilia aní mujé upila o mujé kunala ma (Flp 2:3, 4). Natimáami niika, iwera isí nochia. Aʼlá ipú japi mi ané jiti mi machimea piri nilia (Snt 1:19). Kiti sapú iyó japi mi yúa niwili, jéané japi mi we nakí. Tákoré echi ko mi ke mi riwiwi, jiti mujé ko iʼwírili isimí kalea, Jeobá machí japi mi we aʼlá nijéwami ju alí mí we natéami niraa ineni (1Pe 2:19, 20).

INEPO ECHI VIDEO JEANÍAMI: JEOBÁ IʼWÍRIMA ANACHIA JAPALÍ RISOA NÍLISA, ANISÍ JAPI TI MI NÁRIPORÉ JENAʼÍ:

¿Chúriká biteeli Grace Li japalí né kulii kuneli?
¿Chúsiá Grace Li chotásili binea echi Biblia?
¿Piri iwírili echi hermana Li jiti anachama ma pakosa?
Echi hermana Jeobá yúa raʼichia, ¿piri tánili Jeobá?
Jiti we aʼlábé isili Grace Li, ¿piri namuti nareli?

Jaré echi fotos buyani echoná video “Jeobá iʼwírima anachia japalí risoa nílisa”, echóna mi inema chúriká Grace Li testigo Jeobá nili. 1. Grace machí atí nalá. 2. Bilé hermana bineria atí Biblia Grace Li. 3. Grace kúchuwala yúa restaurante mochili napawika simía napawíliwachi. 4. Grace, kima téemala yúa, napawika simía echi napawíliwami. — ¡We aʼlá natéami ju japi mi galabé oláami nima alí riwíwiami!