¿Achi mi iʼwérili isimí jiti mi narema japi Jeobá nijí?

32:24-28

Ata narénalaká kalabé namuti japi Jeobá nijí, iʼwérili nokísaré nijewia japi echi nulá (1Co 9:26, 27). Japalí Jacob ochérami nili we iʼwérili isili jiti Jeobá kalabé namuti iyama, echi riká cho nokiboa tamujé. ¿Chúriká newaré japi iʼwérili ta noká jiti narepo japi Jeobá nijí?

• Japalí ta we aʼlá biné japi binepo echoná napawíliachi.

• Japalí ta ke riwé simiyá nawisasia.

• Japalí ta kuʼíri jarecho hermanos.

Tákoré wiká chati namuti ikiyé, aminabi tánipo Jeobá japi tamó iʼwírima jiti iʼwérili ta nokiboa echi nijewia.

NÁRIKÁ ISÍ: “¿Piri namuti japi ke aʼlá isimí jipi aminabi aʼlá isísaré jiti ni narema kalabé namuti japi Jeobá nijí?”.