Japi riká José ke nokiboa japi chati ju

Japi riká isili José ata bineri piri ta nokisare, jiti ke nokiboa japi chati ju. Japalí echi Potifar upila aneli José japi echi yúa boʼimea, José ko ke nijéwili (Gé 39:7-10). José ko aneli echi mukí japi ke chati isima jiti echi ko nijéwinili Jeobá. Japi José anili ata machí japi echi ko we aʼlá natali japi Jeobá we natéami niraa iné jiti echi niwíkami ke boʼimea bilecho yúa japi ke echi upila ju o kunala ma. Jiti la japalí echi Potifar upila aneli José japi echi yúa boʼimea echi ko ke echoná ripili, sapuka miná simili jiti ke cha isima (Gé 39:12; 1Co 6:18).

INEPO ECHI VIDEO SAPÚ MINÁ SIMASI JITI TIMÍ KE NOKIMEA JAPI CHATI JU, ANISÍ JAPI TIMÍ NÁRIPORÉ JENAʼÍ:

• 

  ¿Piri namuti ikili Jin?

• 

  ¿Piri nátili Jin japalí Mee-Kyong aneli japi napawika niwama tarea Matemáticas?

• ¿Chu inili Jin japalí Mee-Kyong we simárika nili echi yúa?

• 

  ¿Chu isili Jin jiti machimea japi isísaré?

• 

  ¿Piri isili Jin jiti ke isima japi chati ju?

• ¿Piri ta biné japi ta ineli echoná video?