¿Piri ta biné echi hermanos jitra japi we machíami ju?

Echoná congregación japoná mujé napawila a nirúiré hermanos japi ma chabé jonsa nijewi alí bichiwi Jeobá. Ata omero binea japi riká echi nokali, raʼicha echi yúa, náripo chúriká nili organización japalí echi biteili alí chúriká Jeobá iʼwírili jiti anachama japalí we jilí nili. Ata binepo echi hermanos jitra ata bayésaká japalí ta napawí binea Jeobá jitra echoná bitichí.

Mujé japi ma chabé jonsa nijéwami ju Jeobá, raʼichá jarecho hermanos yúa japi kulí testigo Jeobá ju, japi riká echi kúruwi. Jacob alí José echi riká nokali raʼicha echi kúchuwala yúa japi chúriká isili Jeobá iʼwiria (Gé 48:21, 22; 50:24, 25). Pe aminana Jeobá ko nulali echi wénwala japi ruyema echi kúchuwala jiti machimea suwaba weli namuti japi echi isili (Dt 4:9, 10; Sl 78:4-7). Jipi ayénachó japi kúchuwami ju alí echi hermanos echoná congregación echi riká cho omero nokayá, ruyea echi kúruwi alí iwé japi Jeobá isili chabé echi organización jitra.

INEPO ECHI VIDEO TÁKORÉ TA SAYÉRIWA KE TA RIWEPO NAPAWIKA NIJEWIA JEOBÁ, ANISÍ JAPI TIMÍ NÁRIPORÉ JENAʼÍ:

• Echi sucursal de Austria, ¿chúriká nokali iʼwiria echi hermanos japi pireili japoná ke nakíwili japi nawisama?

• ¿Chu nokali echi hermanos jiti ke riwema bichiwia Jeobá?

• ¿Chúsiá jaré publicadores Rumania piréami, rojali echi hermanos yúa japi a nijéwili echi organización? ¿Chúsiá pe aminana checho ku yúa napawili?

• ¿Piri mi biné inesa na video, jiti mi aminabi bichíwima Jeobá?